Breaking News: PDF Kalay Le Ralhrangbu An I Kap, Kalay PDF 2 Hliam An Tuar. Nizaan September 3 zinglei 9 in zaan suimiam 7 tiang PDF Kalay le ralhrangbu i kahnak ah PDF Kalay in minung 2 hliamhma fa te an pu, ralhrang lei thi le hliam an um tiah theih a si. Nizaan zinglei in ralhrangbu hna nih thazaang tampi he Kalay thlanglei Myinttha tiva kam ah a um i Inkyun khua an luhhnawh a ruang umlo in meithal an puah, inn zong an hrawh Yeshin khualei an kal lio ah PDF Kalay nih lam in an bawh hna i an kah mi hna a si.

Zinglei suimilam 9 hrawngin zaan suimilam 7 tiang hrawng an i kap. Ralhrangbu nih hriamngan he voi tam an kah ruangah Yeshin khuachung inn zei mawzat a rawk. I kahnak a daih hnuah khuachungah an lut i, inn cheukhat mei in an khangh tiah theih a si. Hi kong he pehtlaihin Kalay PDF nih mipi cu Kalay-Gangaw kar mawtaw kal rih lo ding le bia ngeih lo ruangah harsatnak a um sual a si ahcun tuanvo kan la lai lo tiah thawng an thanh. The Chin Post

Thawngdang KNU hmunhma ah a luancia mi August thlakhat chung ralhrang he i kahnak ah ralhrang lei in 166 an thi tiah KNU September 2 ah an thanh. KNU hmunhma a simi Dutathu pengkomh Brigade 1,Tawbgngu Brigade pengkomh 2,Ngianlaypin pengkomh Brigade 3,Mutaw pengkomh Brigade 5 le Dupalazia pengkomh Brigade 6 ah rallei cawlcanghnak ruangah i kahnak a chuah hi a si. KNLA,KNDO le ralhrang i kahnak voi 210 leng a si i cu chubgah Brigade 5 hmunhma ah voi 180 leng a si. Hi i kahnak ah ralhrang lei in 166 an thi i 101 hlian an si,ralhrang kut in mipi 3 an nunnak a liam tiah KNU nih an thanh.