Pauk Peng Ah USDP Party In PyoSawHti Pakhat Cu Meithal In Voi 20 An Kah! Magwe ramṭhen, Pauk peng nichuah lei umi USDP party in PyoSawHti dalan pakhat cu, June 14 ah meithal in kan kan thah tiah People Defense Force Of Magwe ṭuanvo ngeitu nih a chim. Pauk peng in meng 1 hrawng aa hlatnak ah an kah i, Hauhruang a per i a zaam caah an kah thah tiah theih a si.

PDF nih a innchung an luh ah a au chih, a hro chih hna. Hauhraung a per i a zaam caah PDF nih meithal in voi 20 hrawng an kah i, athi tiah tualchung mi nih an chim. Thah a tongmi Bo Htey kum 50 cu 2012 hnu in USDP party ah aa pe ngaimi asi tiah theih asi. Bo Htey hi Dalan rian le PyoSawHti rian aṭuan mi asi. Pakhat khat a ton ahcun SAC ralkap nih khua ah kan ra lai, inn vialte kan duah dih lai tiah bia an kamh mi asi. tiah ṭuanvo ngeitu nih cun a chim. Thah a tongmi Bo Htey a inn hi ṭha tein akulhmi asi. PyoSawHti training a peknak hmun zong ah an hman khawhmi a si. Dalan, PyoSawHti, Palik le Ralkap pawl cu mizapi sin ah i fonh ding in People Defense Force Of Magwe phu nih sawmnak an tuah hna.

Thawngdang Khuaruahhar Taktak In Sac Ralkap 2 An Thi . Saw-Kyaukthu Lam Ah SAC Ralkap Sniper Kah An Ton Caah 2 An Thi Hliam Tuar Zong An Tam! Chin ramkulh Kanpetlet peng chung ah SAC ralkap 150 hrawng cu Saw-Kyaukthu lam, PingChaung hlei kam ah kah an tong i 2 an thih lengah tam ngai hliamhma an pu, tiah theih a si. June 14 zanlei sml 4:00 hrawng ah PDF nih lam hruang in kan bawh hna i kan kah hna tiah People Defence Force Saw Township PDFSAW Battalion 2 ṭuanvo ngeitu nih achim.

Kyauksit khua in a chuak ding SAC ralkap kan bawh hna i kan kah hna. Kahdohnak cu minutes 45 hrawng a rau i, Sniper in kan kah hna. Kanmah kutser meithal in kan kah hna. Hriamnam ngeihmi kan i thlau tuk hringhran. Sniper in voili kan kah hna i SAC ralkap 2 an thi tiah a chimchap.

SAC ralkap pawl cu, June 9 in 12 tiang Chinram ah kah an tong i, an ṭum lei ah PDF-SAW Battalion 2(YRPA) le The Youth Force Saw& Kyau khtu i bawm in an kah hna. “Hriamngan in kan kah hna caah SAC ralkap 10 hrawng hliamhma an pu. Lam hruang in kan kah hna caah kan mah lei in a thimi le hliamtuar mi kan um lo,” tiah People Defence Force Saw Township PDF-SAW Battalion 2 ṭuanvo ngeitu nih achim.