Breaking News: Pastor Te Mawchiat Hlah Uh! Kawl Ram Mipi Vialte Palh Tuk Ruang Le Nawlnak Atuah Than. 2021 September 6 Nihin zaan lei sang i Hakha Pastor pawl nih SAC pek mi an khirh than hna timi tlangtar in kan rak tial mi thawngpang Background ah kan telh mi TABC nih a laak ve nain COVID-19 runven nak caah a hman tiah kan theih ti mi kha thawngpang kan laaknak a hram nih a rak i palh sual caah TABC rianngei le careltu hna nih nan rak kan ngaihthiam naklai kan in nawl hna tiah The Hakha Post nih atial.

Thawngdang CDF Thantlang Nih CDM A lutmi SAC ralkap le palek cu sing 60 kan in pek hna lai tiah cathanh an chuah Sept 6 tuni ah CDF Thantlang nih SAC ralkap le palek hna sinah sawmnak cathanh an chuah. Cu an cathanh ah cun Nawlngeihnak a latu ralhrangbu kuttang ah a um i mipi hna hrem le thahnak ah hmanmi dirhmun in mipi lei ah a dir i bochan awk a tlakmi dirhmun ah i tthial a duhmi hna cu CDF Thantlang nih lunglawm tein kan in don peng hna.

 

Cun ralhrangbu doh dingah hriamnam tling he kan sinah tel a duhmi le CDM ah luh a duhmi SAC ralkap le palek hna cu tangka sing 60 kan in pek hna lai. Cu lawng si loin hriamnam he rat a remcang lo zongah nan taklawng in ra ko u, a si khawh chungin nan himnak kongah tuan vo kan in lak hna lai. A caan a tlai hlanah mipi lei ah dir in ralhrang dohnak ah rak i tel cio u tiah kan in sawm hna tiah an tial.