Breaking News: Parte Khua In Falam Lei A Kalmi SAC Ralkap Nih Meithal Le Hriamngan An Puah! Parte Khua In Falam Lei A Kalmi SAC Ralkap Nih Meithal Le Hriamngan An Puah! Kalaymyo in Laitlang lei ah a kai mi SAC ralkap motor run cu Falam peng an phanh hnu in June 3 zinglei ah Falam khua pawng Parte khua in ke in Falam lei an panh ṭhan i lampithluan ah meithal le hriamngan an thlah pah tiah theih asi.

SAC ralkap hna cu Parte khua pawng Lungbang khua ah motor 4 he zahan zaan an riak i, an motor dang 20 leng cu Hlanzawl khua ah an um tiah theih asi. Nizaan July 2 ah Hlanzawl khuami pakhat cu Loin a kirlei ah SAC ralkap nih a ruang um lo in an thah tiah theih asi. Atangleiah hin thawngdang relchih khawh asi.

Zual Ko! Chin ramkulh khualipi Hakha, Lungphun tlang ummi Pu Chan Kam fapa Run Lian Cung cu Ṭio ah a paam, tiah theih a ni. Run Lian Cung he naihniam mi pakhat nih Nihin July 2 zanlei ah India le ramkomh kawlram ramri Ṭio tiva i ti aa kholhnak ah a paam tiah thawng an kan thanh. Atu July 2 zan sml 7:20 tiang ah a ruak an kawl lio asi tiah The Chin Post ah achim.

Anih hi Mizo lei ah khual tlawng ding in aa thawhmi asi. A kal hlan ah a pi nih ruah a sur tuk, Ṭio zong a lian lai um ko tiah a thlaoh len ko nain a kal. Nihin zanlei ah hiti thawng kan theih cu kan ngaih a chia tuk tiah Ṭio ah a paam mi Run Lian Cung he naihniam mi pakhat nih The Chin Post ah a chim. Run Lian Cung cu Hakha khua hlun mi asi i a nule pa an thi cang. Kum 2015 Hakha min cimh lioah cozah nih an ṭhialter hna i, Hakha thar lungphun tlang ah khuasa mi an si. Photo: The Lairam Times

Thawngdang Salai Lungthli Tum: Thantlang Upa Hna Nih Ralkap Cozah An Ton Mi Hna Khi Thantlang Khua An Dawt Tuk Caah Asi. Thantlang upa hna nih ralkap cozah an ton hna khi miphun leirawi ah kan ruah colh hna ahcun kan lungput hi kaphnih khua ruat kho lomi extremist ‘pialsual’ kan si timi fiang tein mah le mah i hngalh nak a si hnga. Thantlang an dawt tuk caah huat le thangchiat ton ding an theih tuk ko buin Than tlang khua le khuami hna caah a tha bik lai tiah an ruahmi an tuah khi asi.

Anmah pumpak ca hlawknak a um bak lo timi fiang tuk in an theih cia ko. Ruahnak le hmuh ning cu ai dang cio lai ta. Miphun zawn ruah lem loin zapi nih an uar lai timi poah aupi a hmangmi phete pawl nakin cun miphun le khuami caah a tha bik lai tiah zumhmi kha fek tein a dirpi ngammi pasaltha hna khi uar an um tuk ka ti.

Thawngdang Mindat Ah Atu Hi Jet Fighter In An I Kap Cuahmah Lio. Tuni zinglei CDF-Mindat le Sac Ralkap karlak ah kahdohnak achak i atu hi Sac Ralkap nih Mindat ah raldohnak vanlawng jet fighter an hman cuahmah tiin an mah Mindat Khuami sinin theih asi. Atu an i kah nak hi Mindat peng khua ah asi. Sac Ralkap nih raldohnak vanlawng jet fighter in atu an kan kah i Bomb an rak thlak caah thlacam rak kan bawm cio uh!

CDF-Mindat le Khuami dihlak an himnak dingah thlacam kan bawm uh tiin mindat khuami sin in kan theih mi hi asi. Fak piin thlacam rak bawm cio hna usihlaw. Nizaan ah thantlang Upa le Sac Ralhrang hakha ah an i tong ti kan theih Nihin ah Mindat cu raldohnak vanlawng in an phomh cuahmah hawn than.