Breaking News: Palaw Peng Ah SAC Ralkap Motor Run Bomb Puahhnawh An Tong. Tanintharyi ramṭhen Palaw peng Min Htein khua pawng ah riahcaw khat tein a phortu SAC ralkap motor 8 cu tualchung hriamtlai Tawgyi Muaihoke phu nih June 6, zinglei suimilam 10:30 ah bomb an puahhnawh hna. Cu bomb puahnak ah cun SAC motor 3 an rawk tiah Tawgyi Muaihoke phu nih an thanh.

SAC ralkap riahcaw phortu motor run cu Tanintharyi peng Taku in Mon ramkulh lei ah akalmi an si. SAC ralkap motor run bomb bak an rak puah hnawh nak ah cun tualchung hriamtlai Tawgyi Muaihoke lei in hliamhma tuar um lo in hnu kan tolh kho, tiah an thanh. Pale-Gangaw lampi Mee khua pawng zong ah Gangaw lei ah khalhmi SAC ralkap motor run cu June 5, zaanlei ah Yaw tualchung hriamtlai phu lei YPDF battalion 1, tat-khuai 2 nih bomb an puahhnawh hna i, Cu bomb puahnak ah cun SAC ralkap motor pakhat khenh asi.

SAC ralkap 5 hrawng hliam an tuar, tiah YPDF nih an thanh. SAC ralkap motor run in a kal mi hna nih cun an kalnak lamthluan ah a um mi khua hna cu an khangh hna leng ah sualnak ngei lo minung 5 an tlaih hna tiah theih asi. Mah thawngpang hi cu atunai te khan update an van tuah i adang aum than cun kan van thanh than lai.