Breaking News: NUG Ruangah KNU Le Kawl Ralhrang Karah Kahdohnak Achuak Colh. NUG nih September 7 ah D Day tiah a thanh hnu suimilam tlawmpal a rauh ah Sagaing ramthen ah kahdohnak a chuak. NUG nih D-Day tiah a thanh hnu suimilam tlawmpal a rauh ah Sagaing ramthen Hungmalin  pengah ralhrang phu hna le KIA kar kahdohnak a chuak.

(NNUG) cozah nih nihin September 7, zinglei ah ramchung hramhram nawlngeihnak latu ralhrang phu doh ding ah a thanh hnu suimilam tlawmpal a rauh ah Sagaing ramthen Hungmalin eng ah ralhrang phu le KIA kaphnih kar kahdohnak a chuak tiah theih a si.Ralhrang phu chungtel hna le KIA brigade 8 le 9 kar ah nihin September 7,zinglei suimilam 10:30 hrawngah thok in kahdohnak a chuak tiah theih a si.Kaphnih kar kahdohnak kong he pehtlai in thawngfiang langhter khawh mi a um rih lo.

Thawngdang  Irrawaddy ramthen, War Khe Mapeng ah September 5 ah thlichia a hrang i tilawng a let  a tlau mi pa minung 2 ruak cu an hmuh cang tiah MRCS hna sin in theih a si. Alan khuakomhah  rianherh in a kal mi kahcham riantuan pakhat le a fa pa cu tilawng in an kal pah  September 2 zaan ah an tlau tiah War Khe Mahpeng MRCS i tuanvo ngeitu sinin theih a si.

Tilawng in a tlau mi pafa 2 cu September 5 nizaan zing suimilam 6:00 hrawng ah an ruak cu an hmuh hna i War Khe Ma sizung ah pumhlai ding in an kal pi hna. War Khe Ma peng ah fur khuacaan chung  ah tilawng  a leh pah tawn caah ruah a tam lio thlichia  hran lio hna ahcun tilawng in tlunkal lo ding  ralrin nak pek a si.