Breaking News: NUG President Nih Sac Ralhrang Tei Khawh nak Ding Caah Thil Tha Taktak Atuah Cang. Khah atu hi Min Aung Hlaing le aralhrang hna tei khawh nak ding hrim hrim in ramkip vialte hriamnam bawmh dingin NUG President nih cun bawmhnak ahal tiah thawng pang athang ngaingai. President Duwa Lashi La nih biatawi chimnak angei i sac ralhrang nih jimmy, phyo Zeyar Thaw, Hla Myo Ayng le Aung Thura Zaw an thah mi hna mizapi an lungfak seh tiin an ruah.

Asinain mizapi kan ngeihchiatnak lawng si loin thawnnak leiin hmai ah kan kal cang hna lai tiin july 28 zaan ah cun achim. Mah ruangah hin sualnak angei lo mi athattu sac ralhrang hi UN telh in ramkip nih pehtlainak nan chah ahau chawleh chawrawlnak in siseh an tangka luhnak in siseh ramchung luhkhawh lo nak tiangin alam kip in nan kan kham piak ahau ko cang ee tiin achim.

Thawngdang relchap Kani Peng Chindwin Tiva I SAC Ralkap Tilawng 7 Kahdohnak Ah SAC Ralkap 25 An Thi! Sagaing ramṭhen Kani peng Chindwin tiva ah SAC ralkap tilawng cu PDF phufonh nih an kah hna caah SAC ralkap 25 an thi, tiah PDF nih nihin ah cathanh an chuah. A luancia July 24 ahkhan Chindwin tiva ah SAC ralkap tilawng le thilphor tilawng 7 cu DRPA le Independence Army IA, Kani Guerrilla Force KGF, Kani Chindwin Revolution Force – KCDRF, Kani People Defence Force 1 – KPDF 1 phufonh hna nih an kah hna i, kahdohnak ah SAC ralkap 25 an thi, tiah PDF phufonh nih an langhter.

Culioah, nihin July 29 ah Mandalay ramṭhen, Myinchain peng Sanpiah khua ah pyusawh ṭi pakhat cu Natogyi People Defense Force nih an thah. PDF nih an thah mi pyusawhṭi sin in Shotgun pakhat le a kuan zun 20 kan laak chih tiah Natogyi PDF nih cathanh an chuah. Cobra Hriamtlai Phu Le SAC Ralkap Ni 2 Chung Kahdohnak Ah SAC Ralkap 2 An Thi.

Myawady-Waolay mawtaw lam ah Cobra hriamtlai phu le SAC ralkap hna kar ah ni 2 chung kahdohnak a chuak i, SAC lei in captain pakhat le ralkap pakhat an thi tiah Cobra lei nih an thanh. July 28 i kahdohnak a chuahnak hmun cu Myawady-Waolay mawṭaw lam pawng tlang kar ah a si. SAC lei in ralkap 2 an thih lengah ralkap 2 hliam faak ngai an tuar i, Cobra lei ralkap pakhat a nunnak a liam, tiah Cobra lei nih an cathanh ah an langhter.