NUG cozah lei zong an um kho ve ti lo. Ralhrang lutlai ceilak an rian an phuah ve cang hna. Cun Ralhrang tangah ummi lutlai hna Deputy director le Assistant director minung 350 hna cu mipi rawiphirtu le hnuchittu nan si tiah an rian in an chuah pin hna ah blacklist ah an chiah hna. Hi konghe pehtlaiin NUG cozah Union Minister Mann Win Khai Than nih min a thut hnu ah thanhnak an tuah. Ralhrang lei tangah ho hmanh rianttuan pehzulh ti hna hlah uh law hmunkhat ah mipi sin ah dir in CDM tuah dih uh tiah voitam an sawmnak kong zong langhter a si cang.

Cabia dang. Suu Kyi caah thawngpang tha pakhat a chuak. Ralhrang nih Aung San Suu Kyi sual an puhnak pakhat a simi Helicopter cawknak kongah taza a cuaitu hna nih tehte pakhat hmanh an ngei lo. Biaceih zung ah hi sualpuhnak cu an ceih. Asinain taza a cuaitu lei nih tehte hmuhsak ding pakhat hmanh an ngei lo.

Atu Taza a cuaitu lei Anti-Corruption commission investigation director Aung Khan cu Suu Kyi sihni hna nih helicopter cawknak konghe pehtlaihnak tehte kawlca in lehmi zong an ngaih lonak an chim. Hi sual puhnak hi biaceih zung ah tehte he nan hmuhsak lai tiah an ti hna. Asinain zeihmanh an ngaih lo ruangah June 13 ah ceih tthan ding tiah an thanh. Sual an puhnak hi Suu Kyi nih a mah nawlngaihnak hmangin Helicopter a cawk i a hlanh hna tiah ralhrang nih sual an puh.

Cun president Win Myint le Dr. Win Myat Aye zong Anti-corruption phung section 55 hmangin taza an cuai ve hna. Suu Kyi cu June ni 19 ah hin kum 77 a tlinnak ding a si.Ralhrang kawlralkap misual pawl hna nih Aung San Suu Kyi cu kum 100 chung thongthla kho dingin taza an cuai pin a tuhi theih cio bangin ralhrang nih an hren peng rih. Chungkhar hna nih hibantukin ralhrang hna nih an hrenmi ruangah UN lei ah an chim cuahmah ve tiah an langhter. TP