Breaking News: NUG Nih D-Day Athanh Hnu in Khuami 21 Renglo Hliam An Tuar Panga An Nunnak Aliam

Myanmar News

Breaking News: NUG Nih D-Day Athanh Hnu in Khuami 21 Renglo Hliam An Tuar Panga An Nunnak Aliam. Apoituk ee! D-Day Ruangah Thantlang le Hakha in khuami minung 21 hliam an tuar i panga nunnak a liam. National Unity Government NUG nih Myanmar ramhuap 2021 September 7 i D-Day an thanh hnu Chin Ramkulh chung peng cheukhat ah ni fatin kap hnih kahdohnak le SAC lei nih mipi hrocernak meithal le bomb an puah peng ca ah khuami minung 21 hliam an tuar i minung panga an nunnak a liam.

September 7 bak khan D Day thanh hnu Thantlang le Hakha khuapi chung ah SAC nih hmunhma an lak i bomb le meithal duh poh hmang in zaan fatin i hrocernak le mizapi lei tlerhkhawnnak an tuah. Hi bantuk an tuahsernak ruang ah mizapi lei hliam an tuar an nunnak aliam lawng si loin inn le lo tiang a rawk mi a tam.

Dr. Sasa addresses the International Network of Engaged Buddhists — Insight  Myanmar

 

Thantlang le Hakha khuachung kahdohnak a chuah hnu The Hakha Post nih thawng kan laak mi zohchih in hliam a tuar mi le a nunnak liam mi fonh minung 26 an si. Hi chung ah Thantlang in minung 5 nunnak a liam i minung 15 fak ngai in hliam an tuar. Hihi The Hakha Post nih kan hlat khawh vial chung in langhter mi an si i kan theih khawh lo mi zong an um kho ve.

File:Min Aung Hlaing in April 2019.jpg - Simple English Wikipedia, the free  encyclopedia

Thantlang khuapi chung in nunnak a liam mi hna hi bomb puah ruang ah ngakchia pakhat le bomb tongh sual ah ruang ah pafa 2 Tlangpi khua mi pakhat le Pastor pakhat SAC nih kahnak in a nunnak a liammi an si. Cun Hakha khuapi chung in hliam a tuar mi hna hi a dihlak ah minung 6 an si i mizapi lei in a nunnak a liam mi cu an um lo tiah kan theih. The Hakha Post

Leave a Reply