North Korea Supreme leader, Kim Jong-un cu alung operation tuahnak in lungfim thai loin um sehlaw dawh. Cucaah Tuluk sibaw hna nih va chanchuah dingah an va zuan hnawh tiah the daily mail nih a tial. Tuluk news ahcun a thi ti tiang in an thanh. Asinain Japan news nih cun alung operation an tuahnak ah lunfim loin a um i a thluak riantuan ti lo” tiah an tial.

Kim Jong-un cu apa, Kim Il-Sung chuah ni ah a chuah khawh lo caah a phunphun in ruahnak a chuak. Mah puai hi North Korea ahcun an sunhsak bikmi puai a si caah atu bantuk in a bau ruangah aho poah an ar har cio. April 12 hnu in ahohmanh nih an hmu kho ti lo.

Kim Jong-un a thih sual ahcun a farnu, kum 31 lawng a si rihmi nu, Kim Yo-jong, nih a rian a chan lai tiah thawngpang a chuak. An unau in Switzerland ram ah 1996 in 2000 tiang singinn an rak kai bal an ti. Credit: Salai Lairamthang

Thawngpang thar rak rel chih: Zinan Man A Den Tuk Ruangah An Buai. Tulio hi vawleicung ah zinan hrim a man aden bik lio caan a si. Mah bantuk caan hi kan phan lai tiah hohmanh nih rak ruah chung khawhmi a si lo, asinain a hung cang taktak mi a si. Zinan cawtu an zor tuk caah atu bantuk thil a chuahnak a si,

President Donald Trump nih President a cuh lio election campaign lio tein zinan kongah middle east i Arab ram pawl kan i rinh tukmi nih middle east ram pawl cungah zeihmanh nawl kan ngeih kho hna lo pin ah an duhduh in an kan rengh tawn. Cucaah US ramchung ah zinan hrim tampi kan chuah lai i, US ah zinan khur cawhnak le zinan thianhnak in pawcawmnak rian tampi kan ser lai, middle east ram pawl zong a herh caan ah kan rengh khawh ve hna lai tiah a rak chim. A chim bantuk tein a tuah taktak. Vawleicung ah zinan hrim tam bik a chuahtu ram cu US a si cang. Cucaah US nih ramdang ah zinan cawk hau ti loin US ta lawngte hman a si caah midle east ah zinan a pong.

OPEC timi zinan chuahtu ramkomh, Organization of the Petroleum Exporting Countries hna nih zinan chuahmi tumter le zinan man rikhiah khawhmi an ngeih lo caah Saudi Arabia le Russia nih an chuah tawnmi nak tam in zinan a chuah chap. Zinan hrim a tam tuk caah zinan man cu zingzan in a hung tla. Cu lio caan ah Coronavirus nih vawlei pumpi cu a hun den chap tik ah vanlawng vialte, tilawng vialte le motor le kan hmanmi vialte an dir dih tik ah zinan a cawltu an zor tuk cang.

Hlan ahcun nikhat ah zinan hi tangki 100 million lengmang an cawk hna. Asinain atu ahcun a cawttu an zor tuk cang, nikhat ah 30 million lawng a man cang. Hlan i zinan hrim tangki pakhat i, US$ 60 in an zuar tawnmi kha atu cu negative US$ 37.3 a phan. Chim duhmi cu zinan ngeitu nih a cawtu kha $37.3 in an pek chin hna. Zeiruangah ti ahcun zinan an rak i khonmi vialte a man ti lo tik ah zinan chiahnak vialte a khat dih. A hlei in zinan chiahnak an rak i ngeih lo tik ah harnak an tong mah ruangah zinan ngeitu hna nih a cawtu pawl cu phaisa an pek chin hna.

Zinan hrim khur ah zinan hrim a phurhtu tilawng tampi zong an zinan phurhmi a thlak khawh lo caah California thlanglei rili kam ah an dir thup i, an tlar lulh ko. Zinan cu duh poah in hlonh le thlet awk a that lo caah zinan chuahtu pawl an buai taktak. President Trump zong nih press conferenec ah zinan chuahtu hna caah zinan chiahnak kan bawmh na a hau tiah a chim bal.Credit: Salai Lairamthang