Breaking News: North Korea Ah Tihnung Taktak A Min Hngalh Lomi Zawtnak A Karh! North Korea ah a min hngalh lomi chungril lei zawt nak cu kan buaipi cuahmah lio tiah nawlngeitu hna nih June 16 ah an thanh. Cu zawtnak a ngeitu hna cu anmah dang tein kan chiah hna na in ṭha tein dothlatnak tuah ding in North Korea hruaitu Kim Jong Un nih nawl achuah tiah KANA nih  langhter.

Zawtnak a ngeitu hna cu bawmhnak pek ding in Hiju khuapi ah June 15 ah khan sii-ai hna cu an kuat dih cang i, hi zawtnak hi Typhoid asilo ah Cholera asi kho tiah thiamsang hna nih cun an ruah. Ramchung minung a nuai(million) in an zaw ti in thanh a si hnu ah May thla chung ah khan emergency in thawng thanhnak zong an ngei cang i, a zawmi hna hi covid-19 zawtnak zong an ngei chih tiah zumh asi. A chuak cuah mahmi zawtnak ngeitu milu zat le zeitin dah zawtnak a hramthawhnak a si timi cu fiang tein an langhter lo nain chungril lei zawtnak asi tiah ṭuanvo ngeitu nih an chim.

Thawngpang dang Launglung peng Waydi le GawInn khua ah June 16 zanlei le June 17 zinglei ah SAC ralkap nih tualchung mi 3 an kah thah hna pin ah 4 hliam hma an pu. Inn 3 zong an khangh, tiah tualchung mi sin in theih a si. June 16 zan sml 10:00 hrawng ah SAC ralkap pawl nih Waydi khuami Than Htey inn an khangh. Amah zong mei thal in an kah caah hliam hma fak ngai a pu.Ngwe Ni Htey zong an tlaih i lam ah an meithal in an kah ve caah a hma fak ngai, tiah theih a si. Zan cu Waydi le GawInn khua ah SAC ralkap pawl an duh poh in an um. Khuami zong meithal in an kah hna caah a thimi an um hliamhma fak ngai pumi zong an um tiah tualchung mi pakhat nih a chim.

June 17 deilei sml 1:00 hrawng ah SAC ralkap pawl cu, GawInn khua an lut i Aye Mi Phyo an kah thah. An inn zong an khangh i Aye Mi Phyo a pa zong aa hliam tiah theih asi. SAC ralkap pawl an meithal kah thawng ruangah Daw Ngian timi nu zong a launak ah a nunniak liam. Cu pin ah GawInn khua Kyetaung pawng ah aa chawkmi Zaw Lat le Nat Lin Ko cu SAC ralkap nih an kah hna i Zaw Lat cu a hmun ah a thi colh. Nay Lin Ko cu fak ngai in aa hliam tiah theih asi.

Thawngdang Khah Zeitin Dah Asi PDF 38 Nih Hriamnam An Chiah Tiah SAC Nih An Thanh. SAC kut ah hriamnam he PDF 38 an lut cang tiah SAC chimphuannak nawlngeitu Zaw Min Htun nih a chim. Nizan June 16 ah Naypyitaw ah avoi 16nak thawngpang fianternak tuah lioah achim hi asi. SAC nih PDF telh in a dang phu zong upadi chung ah phung ning tein nan luh ahcun kan in cohlan hna lai, tiah June 12 ah cathanh an rak chuah.

Cathanh an chuah dih hnu June 15 tiang ah Magway ramṭhen Ngaphe peng in PDF 9 Sagaing ramṭhen Kalay peng in PDF 5, Ayeyawaddy ram ṭhen Pathein le Kyonepyo peng ah PDF 9 le Mandalay ramṭhen ah PDF 15, an dihlak 38 cu SAC sinah an lut tiah Zaw Min Htun nih a chim. Hi Hriamnam he SAC sin a lutmi chung ah Magway ramṭhen Ngaphe peng PDF 9 hna cu dohthlennak phu he pehtlaihnak a ngeimi an si lo tiah People Revolution Alliance PRA–Magway ṭuanvo ngeitu nih a chim.

Ngaphe peng chung ah a cawlcang mi hriamtlai hi PRA-Magway ၊ 3T-Trangle le PDF phu 3 lawng kan um. SAC sinah a lutmi phu hi kanmah he aa pehtlai mi an si lo, tiah a chimchap.SAC nih hriamnam chiah ding sawmnak cung ah, PDF hna nih kan cohlang lo i, a dongh tiang kan doh lai tiah PRA-Magway ṭuanvo ngeitu nih a chim. SAC nih PDF cu hriamnam chiah ding in a sawm len ko nain SAC ralkap le palik a zam i mizapi he aa fonhmi 10000 leng an phan cang, tiah theih a si.