Breaking News: Nihin Yangon Ralkap Le Palik Cawlcangh Ning Cu Ngaihchia Si Ko

Myanmar News

Yangon, Hlaing Thayar ah Minung Pathum Nunnak Liam! Yangon, Hlaing Thayar ah ralkap le palik nih meithal in an kah hna caah minung pathum nunnak a liam cang. Hliamhma a pumi zong an um len. Hlaing Thayar ah a ummi thiltthitnak sehzung pakhat zong a kaang.

May be an image of fire and outdoors

Lamkhamnak an tuahmi pawl palik le ralkap nih an khangh hna. Kachin ramkulh, Phakanh zong ah kum 30 tlangval pakhat a nunnak a liam. Pago zong ah lamzawhtu nih palik le ralkap chuak kho lo ding in an hren hna i, palik le ralkap lei nih meithal in an kah hna. Minung pakhat a nunnak a liam i a dang pakhat a ttang ah an kahmi zong a zual ngai. Credit: The Chin Journal

May be an image of 1 person and outdoors

Relchih: Chin Ramkulh Lamzawhnak Hruaitu Minung 10 Tazacuai an Tong Cang. March 14 tiang ah Chin ramkulh chung ah ralkap uknak duhlo lamzawhnak hruaitu minung 10 cu pohma 505 (a) in tazacuai an si cang, tiah theih a si. March 13 ah pohma 505 (a) in tazacuai a tongmi hna hmanthlak cu Hakha khuachung ah an tar hna.

Cun, Falam zong ah February 28 le March 12 ah pohma 505 (a) in minung 5 taza an cuai ve hna. Pohma 505 (a) ning in an zual hmuh an si ahun kum 3 tiang thongthlak khawh a si. Hakha le Thantlang ah ralkap nih an tlaihmi hna CCPR riantuantu Peter le Van Ceu Thawng zong nihin tiang an thlah rih hna lo.

Leave a Reply