Delhi Janak Puri Sang Ummi Pawl Caah Ralrin Ding. Kanmah inn lei luhnak a chung lam kam i clinic a tuahmi doctor pa a positive. Cu ruangah lam vialte zong an kham dih i police nih a conghnak nak a si. Amah sinah a ra mi le a clinic pawng kam minung tampi a chawnh khawh mi a si.

A clinic pawng i a um mi vialte khi an duh poah in an um i pakhat khat um sual ahcun a poi tak te lai tiah ka rak ti cia mi a si. Ralrin ningcang cu kan theihcia mi a si. Ralring tein um hna u si.Keimah zong thaizing thawkin cun clinic ka awng ti lai lo. Credit: Dr. Pari

Thawngpang thar rak rel chih: President Trump nih tuzan lei white house press conference tuahnak ah small business caah tuan deuh i, loan rak pekmi, “small business relief package” chung in company ngammi cheukhat hna le Harvard University nih an rak i laak ve caah ralrinnak a pek colh hna.

Harvard Sianghleirun nih US$ 8.6 million an rak laak ve. President Trump nih Havard Sianginn cu US sianginn vialte lak ah endowments ngan bikmi a si” phaisa an khirh hrimhrim a herh, anmah nih an ngeih khawh dingmi a si lo, mah hi cu business hme tete a tuahmi caah kan pekmi loan a si” tiah a ti.

Potbelly Corp, Fiesta Restaurant Group’s Texas Taco Cabana le Ruth’s Chris Steakhouse hna zong nih phungning loin an rak i cawi ve. Mah ruangah small business taktak a simi cheukhat pawl cu loan ngah kho loin an um. Treasury Secretary Steve Mnuchin zong nih mah bantuk ning cang loin loan a lami pawl cu dantatnak an i huah lai tiah a chim.

White house, senate le house pathum lungtlinnak an ngeih hnu ah US$ 484 billion, phase 3.5 timi bill cu tu zanlei ah Senate nih an pass cang. Thaizing silole Thursday ah House nih an pass than lai i, President nih minsen a thut hnu ah fehter a si lai. Coronavirus ruangah a harnak a tongmi pawl, sizung, zawtnak testnak ca le small business bawmhnak, Paycheck Protection Program [ PPP ] caah an hman lai. PPP caah $300 billion hrawng an hman lai.

President Trump nih US ah a tlawmbik 60 chung luh rih lo dingah immigration phihnak a tuah chung lai. Thaizing ah minsen thut dawh a si. Aho ti theih lomi le kan mit nih a hmuh khawh lomi kan ral nih US ram chungah luh hnawh in minung tam tuk an kan thah cang, kan sipuazi zong a rawh dih cang caah caan karlak kan phih chung lai a ti. US ah rian ngei lomi million 22 kan si cang. Rian ngei lomi hna bawmhnak, unemployment benefit a sawkmi 5.2 million kan si cang. Cucaah US rammi kan i ven i rian zong US citizen pawl usapek an herh. Ramdang mi nih US citizen pawl rian an chuh dingmi hna hi a si kho lom a si” tiah a chim. Green card in ra dingmi hi biapi deuh in phih chung dawh a si. Credit: Salai Lairamthang