Breaking News: MyuangMya Ah Ralkap Thar Pakhat Hmuh Ahcun Sing 25 Pek Ding In SAC Ralkap Nih Mi An Kawl

Myanmar News

Breaking News: MyuangMya Ah Ralkap Thar Pakhat Hmuh Ahcun Sing 25 Pek Ding In SAC Ralkap Nih Mi An Kawl. Ayeyarwaddy ramṭhen, Myuangmya khua ah SAC ralkap nih ralkap pakhat caah sing 25 dih in ralkap thar an kawl hna tiah theih asi. Tual chung mino hna cu ralkap nan luh ahcun sing 10 le facang tun 1 kan in pek hna lai tiah an lem hna. Myuangmya khua luhnak ah a ummi Kuailay chek gate le Myo O sianginn chak gate ah mi an pumh hna tiah tualchung mi pakhat nih a chim.

SAC nih tualchung mi hna cu ralkap thar ca ah mi an khawmh hna i, anmah lei ṭangmi hna zong nih an kawl piak hna. SAC ralkap nih mi nan kan kawl piak khawh ahcun sing 15 kan in pek hna lai, tiah bia an kamh hna tiah a chimchap. Ralkap thar khawmhnak caah tangka tam ngai an hman i, ralkap thar hna cu ke ralkap an chiahnak hna hmun ah an kuat hna tiah SAC ralkap he naihniam pakhat nih a chim. Uknak lak hnu in SAC ralkap pawl cu PDF nih an kah hna ruang ah an thazaang a zor ngai cang i, khuate cheu khat ah mino cu ralkap chung luh ding in an lemmi hna asi ko lai tiah a chimchap.

Thawngdang Daw Aung San Suu Gyi Chuahni Nikhat Luan Hnu Ah An Tuahpiak. Daw Aung San Suu Gyi chuahni nikhat luan hnu ah an tuahpiak June 19, ah chuah camtuak a phanmi rampi ruahnak petu Daw Aung San Suu Gyi cu ( kum 77) a tlin nikhat aluan hnu June 20 Naypyidaw Special Court ah a mah sihni hna he a chuahcamtuak hmanṭinak an ngei tiah biaceihzung he neihniam in ummi nih an chim.Cu zung ah cun birthday cake khuainak an tuah.

May be an image of 5 people

Birthday cake cu a mah sihni hna le biaceihzung rianṭuan tu dihlak zong dangh an si tiah an chimchap. Mizapi nih chuah camtuak lawmh pinak an tuahpiaknak cung ah lunglawmh biachimnak le mizapi nih ngandam tein an um cio nak ding caah thlacamnak ka ngei tiin a chim tiah biaceihzung he neihniam in ummi hna nih an chim.

NLD cozah chan lio helicopter hlannak kong he pehtlai in NLD cozah chan rescue people deputy minister U Soe Aung cu nihin June 20, zung chauh caan ah checkhlatnak an tuah tiah biaceihzung he neihniam in ummi nih an chim. Cun Nihin zung chuahcaan ah biaceihzung a phan mi hna president U Win Myint le rampi ruahnak pe tu Daw Aung San Suu Gyi cu an pahnih in an ngandamnak aṭha tiah theih asi.

Daw Aung San Suu Gyi (kum 77) a tlin chuahcamtuak lawmhpinak cu ramchung ramleng hmunkip ah a phunphun in lawmhpinak an rak tuah cio Daw Aung San Suu Gyi telh in ramkhel lei thongtla dihlak nih luatnak an hmuhnak ding caah nawlnak zong an tuah. Rampi ruah nak pe tu Daw Aung San Suu Gyi cu kum 77 a tlin tiangah thonginn ah caan tampi a hmang tu a si i, a chuahcamtuak phak voi 17 tiang thong inn chungah caan a hmang tiah theih a si.

Leave a Reply