Myanmar Ram Pumpi In Nikhat Chung Kahdohnak Ah SAC Ralkap 47 An Thi Myanmar ram pumpi huap in June 14 nikhat chung kahdoh nak ah SAC ralkap 47 an thi. PDF 4 a nung in tlaih an tong i PDF 1 a nunnak liam tiah Khit Thit Media nih a langhter. Khit Thit Media nih cazin a khawmhsuat ning ah SAC ralkap athi mi hna cu Chin ramkulh Mindat ah 5, Mon ramkulh Kyaukthu ah 3, Thaton ah 2, Sagaing ram ṭhen Myaing ah 2, HtiCheih ah 3, InnDaw ah 9, Magwe ramṭhen Saw ah 2, Myiang ah 4, Mandalay ramṭhen NganZun peng ah 1, Bago ram ṭhen ThanTaPin ah 2, Shan ramkulh chaklei Theinni ah 4, Kayah ramkulh ShaeSue ah 10 tiin an dihlak 47 an thi.

Sagaing ramṭhen Monywa ah PDF 1 a nuunnak liam i Shan ramkulh Moese ah PDF ralkap a nung in 4 an tlaih an tong. Nawlngeihnak Laak Hnu Ni 499 Chung Ah Minung 1941 Nunnak A Liam Cang!: AAPP nih June 14 i cathanh a chuah ning ah Myanmar ramchung ah SAC ralkap nih nawlngeihnak a laak ni 499 chung ah sualnak ngei lo minung 1941 thah an si cang tiah theih asi. Tlaihkhih a tongmi dihlak hi 14,110 an si i, an thlah ṭhan mi 3036 an si. SAC ralkap nih mi nunnak a laak mi hna chung ah Yagon in nunnak a liam mi tambik an si.

Thawngdang Kalaymyo Ah Puahkeh Thawng Theih A Si! Kalaymyo Ah Puahkeh Thawng Theih A Si! Kalaymyo Tahan sang ah nihin June 14, zaan suimilam 7:30 hrawng in minutes 30 hrawng mei thal puah thawng voi tampi theih asi. Hriamngan puah thawng zong voi thum kan theih tiah tualchung mi nih an chim. Mah thawngpang theih cu anuam lo ngai.

Thawngdang Sang Hre: Caan Tawite Chungah Arakan Army Hi Tluk In Caan Tawite Chungah An Thawng khawh? Zei ruang ah dah Arakan Army (AA) hi hi tluk in caan tawi te chungah an thawng khawh? AA an thawngnak hi international academics pawl tiang nih an kherhlai cuahmah lio pi asi. A ruang tampi a um lio ah key points in ka ruah mi hna pawl cu 1. An hruaitu pa principle a ngei. Social media ah laar ai tim lo. Revolution ka tuah ti ai thei.

2. A riantuan pi dingah a khulnuar mi pawl le a mah he ruahnak ai khat lo mi a la hna lo. Vision ai khat bak mi he rian tuan ai tim. An vikvak a tha. 3. An miphun an cathiam le ramleng ca cawn a fim thiam deuh ti mi paoh an chonh biak lo mi le bia an ruah lo mi a um lo ti asi. 4 Rian rang tein Rakhine ram ri he ai peihtlai mi Bangladesh Cozah siseh Mizoram Cozah tiang peihtleihnak aser.

Ni hin ni ahcun Mizoram Cozah zong nih AA hruaitu pa cu an upat ngai ti a si cang. International relations an thiam kho tuk. 5. Lutlai tu a si bantuk in a mah zong ca a rel ve. Ceitical thinking a ngei tiah a ruah mi hna sin ah ruahnak a hal theo tawn hna ti asi. Asinain kan nih miphun cu….Tiah Sanghre Nih cun atial. Ahnuah apeh mi aum than te lai.