Mah video acang mi hi social media leiah aviral i azoh tu an tam tuk cang. Video ah hin nu pakhat te cu nu 4 bak nih fak ngaiin an velh len ko. Mah video an langhter ningah cun ahmun hma hi Madhya Pradesh a Indore ah asi i, an velh mi nu hi pizza chain Domino leiah rian tuan mi asi tiin an chim. Domino Pizza a riantuan mi nute cu fak ngaiin an velh ti asi. Mi tampi nih cun biahal nak an ngei i zei ruangah mah nute hi an 4 ningin cun an velh ti asi i aleh mi hna cu pizza chain Domino riantuan mi nu nih hin azoh tik hna ah ahuat nak hna le amit keuh tein azoh hna caah asi tiin an chim i, an thinhung tuk i an velh colh ti asi.

Thil caan lioah hin apawngkam ah mipi zong an tam ngai ko asinain an va then leh hna loin nuam ngaiin an zoh hna i video hi an lak sawh sawh ko. An velh mi nu hi atah bu tein bawmh ahal hna len zongah an bawm duh bak lo. Uico an thah mi bantuk in apawngkam um mi pawl nih hin an zoh sawhsawh ko. Video alar hnuah hin police pawl nih akonglam hi an hlat hlai i, Mah nu 4 hna cungah hin case buainak an ngeih piak lio hna.

https://twitter.com/Anurag_Dwary/status/1536388136330489856?ref_src=twsrc%5Etfw%7Ctwcamp%5Etweetembed%7Ctwterm%5E1536388136330489856%7Ctwgr%5E%7Ctwcon%5Es1_&ref_url=https%3A%2F%2Fmizoelitenews.com%2Fdomino-pizza-a-thawk-hmeichhe-pakhat-chu-khawlai-ah-hmeichhe-dangin-an-sawisak-rawn%2F

Thawngdang SAC Ralkap Nih Minung 26 An Thah Hnanak Kong An Chimnak Video Le Hmanthlak A Chuak. Sagaing ramṭhen ah SAC ralkap an sualnak le ṭih an nunnak kong video le hmanthlak cu RFA nih social media ah an langhter. SAC ralkap pakhat nih phone a thlaumi cu tualchung mi nih an char i, a phone chung ah tualchung mi 30 hrawng an kut ah hri in an ṭem hna i, an tlaihmi hna hmanthlak le phungki sianginn ah an ṭhutter hnanak hmanthlak aum.

Tualchung mi hna cu hni in an mit an huh hna i meithal in an kah thah hna. An pawng in SAC ralkap pahnih nih an zoh hnanak hmanthlak zong a um. Video chung ah SAC ralkap pathum nih selfie in video an i thla i, tualchung mi pa zeizat dah an thah hnanak kong an i hal. Video a thlatu pumpak nih kei cu ka ngakchiat tein minung thah hi ka rak huam tuk, ka duh tukmi zong asi tiah achim. Hi video file le hmanthlak hi RFA nih an langhter mi asi.

https://www.facebook.com/miphundawtu123/videos/536689478110492

Thawngdang Economist Sean Turnell Cu Thlah Cang Ding In Australia Prime Minister Thar Nih SAC A Nawl! Australia rammi Economist Sean Turnell cu thlah cang dingin Australia Prime Minister Anthony Albanese nih SAC nawingeitu hna cu June 16 ah a nawl hna. NLD chan lio ah Myanmar economic lei ah ruahnak petu Australia rammi Sean Turnell cu SAC ralkap nih nawlngeihnak an laak hnu a ni 5 nak ah tlaih a rak tong. Tur nell cu Myanmar ram phungphai a thlithup in a buartu na si ti in SAC nih taza an cuai i, atu ahcun thla 16 chung a rau cang. SAC nih cun biaceihzung ah chuahpi dingin tette kan ngei tiah an chim.

Sean Turnell cu an thlah ding a si, hi kong he pehtlai in Australia cozah nih rianṭuan kan i tim. Kan hmuhtonmi ningin chim ahcun a dik lomi a si pinah nuhrin covo he aa tlak ningin biaceihnak cu SAC lei nih an hlawt, tiah Australia Prime Minister nih a chim. Sean Turnell thlah ṭhan nakding kong he pehtlai in Australia cozah nih a si khawh chung in ṭuanvo kan laak lai, tiah an chim bantukin Australia ramdang palai zong nih SAC sinah nawlnak a tuah cang.