Breaking News: Mitha lo Pa Min Aung Hlaing Nih An Mah Lei Ralhrang Pawl Zong Oxygen Pek Aduh Hna Lo

Myanmar News

Breaking News: Mitha lo Pa Min Aung Hlaing Nih An Mah Lei Ralhrang Pawl Zong Oxygen Pek Aduh Hna Lo. Yangon ah khua a sa mi hna chungkhar Mizo hna chung i an nu bik cu covid 19 in a dam lo caah siizung an panh i ralkap nih luhnak nawl le zohnak nawl an pek duh hna lo caah lung rethei in an um tiah theih a si. Mah Mizo hna chung hi a hlan ah USDP party an si i, ralkap nih an kan bawmh rua lai tiah kan i ruah nain a zoh hmanh an kan zoh duh lo, Cu pin ah Oxygen duh chungin lak khawh a si lai tiah an thanh nain an lih a rak si tiah a dam lio mi chungkhar sin in theih a si.

Myanmar's Covid surge fuelled by distrust of military junta | Financial Times

 

Kan nubik a zual tuk cang caah Palek bawi Officer pakhat phone in kan chawnh i, na kan bawm kho hnga maw tiah ka chimh i, kan bawm kho hna lai lo. kan mah chung zong kan zaw i ralkap nih Oxygen zong an kan pe duh ve lo caah kan thi lai maw kan nun lai dah tiah a ka leh.

A Hlan ah ralkap hi an soisel hmanh ah ka zumh tuk hnai, a tu ahcun an biachim le mipi cungah an thil tuah cu ka fiang tuk cang i zumh awk ah ka rel hna lo. A hlan i a hring USDP party kha kan si nain a tu cu NLD a sen lei hi a dik mi phu an si tiah ka fiang. A mah belte caansau tuk a hring USDP party a tanhtu chung kan si caah a sen NLD i kan i thial ahcun midang nih an kan nihsawh lai ti ka phang. Hi ca a rel mi poh nih kanu caah thlacam kan bawm hram uh. Oxygen le an kan pek duh lo caah kan lungre a thei ko.

Thawngdang KIA Nih Ralhrangbu Umnak Maran Kathawng Gate An Hrawh  Kachin ram Mokaung le Ka-mai kar ah a ummi ralhrangbu hna umnak Maran Kathawng gate cu July 30 zingka suimilam 4 hrawngah KIA brigade 2, battalion 11 nih an kah tiah KIA nih an chim.

Maran Kathawng gate cu tuzing zingka ah kan luthnawh, gate vialte kan hrawh dih, a thi/hliam mi cu kan thei rih lo tiah KIA lei nih an chim. Tuzing suimilam 3 le cheu hrawngah Mokaung hrambunh ralhrangbu sakhan pakhat cu KIA nih hriamngan in voi 40 hrawng an kah tiah Khit Thit Media nih a tial.

Leave a Reply