Thawngpang ttha: Nihin zingka Tio/ Khuamawi khua umhmun khuar ralhrang sakhan cu Mipi ralkap nih Drone in ralhrang camp bom an thlak i, ralhrang 7 telh in ralhrang bawi Tatzinhmu Way Myo Paing a thi tiah KT news nih a langhter. hmaanthlak hi anmah KT news taar mi ka hun taar chinmi si.

Thawngdang Sagaing ramṭhen Yee Oo peng Kungthar le Yamaikthar khua kar kahdohnak ah SAC ralkap 30 hrawng an thi i, hriamnam zun 25 an hna tiah theih asi. Nihin August 10 zing sml 7:00 in SAC ralkap pawl cu khuate thianh hlimhnak kan tuah an ti i, inn le lo an hrawh lio ah PDF nih an kah hna. SAC ralkap cu a tlawm bik 30 an thi i, hriamnam zun 25 an laak piak hna. Cucaah Monywa ummi Helicopter le Mi35 nih an rak kah hna pinah bawmtu ralkap zong an chap tiah theih asi.

August 9 zanlei ah SAC ralkap pawl cu Yee Oo peng kungthar lei ah rallam an sial i, nihin zingka ah kahdohnak a chuak colh. Cu kahdohnak ah cun Yee Oo PDF le Depeyin PDF hna i bawm in an kah hna. Nihin zingka ah kahdohnak a chuak. An Battalion ning ti awk in an thih caah Monywa Na Ma Khah in Helicopter le Mi35 in an kan kah i, hnu kan kir chung. Kanmah lei in ralkap 2 an nunnak aliam ve tiah PDF hruaitu pa nih a chim.

Ralkap pawl cu zahan zan sml 10:00 hrawng ah hmun pakhat Moesone lei ah a chiah hna. Cuka in hriamngan tam ngai an kah. Zing lei ah Kungthar lei an kal i ralkap 30 hrawng an si lai an dihlak in an thi dih tiah tualchung mi khat nih a chim. Hproso Peng Kahdohnak Ah SAC Ralkap 11 An Thi Karenni ramkulh Hproso peng Sulaku khua lei ah nizan August 9 ah rallam a sialmi SAC ralkap pawl cu Central Division Special Operations Group(CDSOG) le PDF ṭangrual phu hna nih an kah hna caah ralkap 10 nak tlawm lo an thi tiah theih asi. Cu kahdohnak ah cun Central Division Special Operations Group nih sniper in SAC ralkap 11 kan thah hna, tiah CDSOG nih cathanh an chuah.