Breaking News: Mipi Lamzawhtu Police Nih An Kah Hna Caah Mi 4 Thi!

Myanmar News

Dawei-Ah Mipi Lamzawhtu Police Nih An Kah Hna Caah Mi 4 Thi! Myanmar ram thlanglei ah a um mi Tanintharyi Region- Dawei khuapi ah nihin zarhpini ah mipi lamzawhtu hna cu police nih meithal in an kah hna ruangah minung 4 an thi i, minung tampi nih hliam an tuar tiah theih a si.

May be an image of standing and text that says "MBUL"

Zambu Thirih Emergency mizaw phurtu ambulance nawlngeitu pakhat nih a chimnak ahcun “Hliamtuar mi hna hi an tam ko, minung 30 an um. Tear gas- rubber meithal mu le meithal mu taktak an hman i, mah ruangah hliamtuar an um hi si a ti. “Minung 4 an thi cang i, a dang minung 7 hi an nunnak caah ruahchannak um lo tluk si cang”tiah a chim chih.

Lamzawhmi ah aa tel ve mi minung pakhat nih a chimmi cu minung pathum nunnak liam in minung 50 tluk nih hliam an tuar tiin a chim ve. Atu zongah mipi nih lamzawhnak hi kan ngol hlei lo i, Police nih meithal mu an kahmi hi mipi lamzawhtu hna nih char in ttha tein an fim. Minung 50 tluk thlaih an si i, an tlaihmi hna hi police station ah chuah ding in kan va nawl hna”tiah a chim. Credit: Irrawady.

Relchih: UN zung ah Myanmar cozah aiawhtu Kyaw Moe Tun a biachim ka zoh i ka mitthli he kai ciah ve ko, thaizing lei lam zawh ding zong thazaang thar aka pek. UN aiawhtu pakhat nih vawleipi theih in UN zung bak ah ralkap uknak lakmi a dik lo aho poah nih ralkap uknak kan doh i rianrang in kan thah colh a herh.

2020 election ah teinak a hmumi NLD sin power pek than a hau. UN nih zeiti lam hmanh in ralkap cozah theihpi ding a si lo tiah a chim. A donghnak ah Kawlholh in a chim chih. Rammi dihlak nih hmun kip ah lungrual ngai in ralkap uknak nan doh caah kai lawm, tutan dothlennak kan tei hrim lai (အရေးတော်ပုံ— အောင်ရမည်) tiah a kut in CDM tanpinak langhter buin a bia a donghter. Vawlei cung zung sang bik a thumi Myanmar cozah aiawhtu hmanh nih Min Aung Hlaing kaltak in mizapi dothlennak ah ai tel ve cang. Lung a hmui taktak. MAH cozah cu a tlu colh ko cang lai. Salai Lungthli Tum

Leave a Reply