Breaking News: Mindat Khuachung Ah Biaknak Lei Hruaitu Hna Tawlrelnak Lawng In Facang Cawknak Nawl An Pek Hna!

Myanmar News

Chin ramkulh chung ah fak ngai in kahdohnak a chuahnak hmun Mindat ah zapi eimi facang cu SAC ralkap nih rikhiah in an zuar tiah tual chung mi nih an chim. Atu tiang ah tualchung mi hna cu Biaknak lei hruaitu hna nih ṭuanvo an lakpiak hna lawng ah facang cawknak nawl pek an si, tiah Mindat khuami pakhat nih media ah a chim.

Kan herh zat in cawk khawh cu a si ko nain inn ah i chiah cu sianh a si lo. SAC ralkap nih rikhiahnak an tuah i Biakinn chung ah chiah asi. Hi Rawl chumh a herh tik ah Biaknak lei hruaitu pakhat nih ṭuanvo lakpiak hnu lawng ah an kan thoh piak tiah a chim. SAC ralkap hna nih cun a luancia August ni 6 in facang tun khat ah Ks. 40,000 in an zuar tiah a chim chap.

SAC ralkap nih uknak an lak hnu ah CDF-Mindat le SAC ralkap kar kahdohnak a chuah thawk in, Mindat khuachung ah facang telh in zapi nih eimi thilri phorhnak nawl SAC ralkap nih an phih. Kaphnih kar kahdohnak ruang ah Mindat khuachung um mipi 9000 leng cu mah um nak innlo kaltak in ralzaam dirhmun an phan tiah ralzaam bawmchantu hna nih an chim.

Leave a Reply