Breaking News: Min Aung Hlaing Kuttang Pakhat Tangka Thoh Tu Pakhat Cu Thah Asi

Myanmar News

SAC Ralhrang Bawi Pakhat Thlawhlawh A Hlamtu Pa Cu Thah As! Thlahlawh A Hlamtu Ralbawi Pakhat Cu Hriamtlai Phu Pakhat Nih An Thah I, Phaisa Zeimawzat An Zaampi Yangon ramṭhen Hleku peng SAC ralkap hna ca ah thlahlawh a hlamtu Phawngkyi khah-mah-yiah 709 in ralbawi pakhat cu nihin July 29 ah hriamtlai phu pakhat nih an kahthah i, a kutcung ummi phaisa sing 200 leng cu amah thattu hna nih an i kalpi, tiah Yangon ramṭhen SAC headquarters nih an thanh.

Nihin July 29 zaanlei suimilam 3:30 hrawng ah Yangon ramṭhen sah-kah-khah 4 kuttang um Phawngkyi khah-mah-yiah 709 in ralbawi pa khat le ralkap (ṭaṭ-kyat-kyi) pakhat cu cycle pahnih in Hleku bank ah thlahlawh an hlam i an kir lei Hleku le Phawngkyi kar i datsi an rawn lio ah aho si hngalh lo mi hriamtlai phu nih an kah hna.SAC ralkap ralbawi pa cu a thi i, phaisa sing 200 leng zong an i kalpi tiah Yangon ram ṭhen SAC zung in ralbawi pakhat nih Khit Thit Media ah a chim.

Thawngpang dang Hakha Khuachung Dawr Poh Ah Mahle Pumpak In CCTV Bunh Cio Ding In Si-pin Ni Nawl An Chuah: Chin ramkulh Hakha khuachung i dawr pawl ah mahle pumpak in CCTV bunh cio ding in si-pin nih July 26 ah cathanh an chuah. Cathanh ning ah cun a tlai bik August 31 chung ah CCTV cu bunh cio ding asi lai tiah theih a si.

Si-pin lei cathanh ning ah cun atu lio Myanmar rambuai lio hi caanṭha ah i laak in, mihrokhrol pawl nih khuapi chung ah dawrthil mansung pawl fir le suam piak thawng a um lengmang caah Hakha khuapi dawrngeitu hna nih i runvennak; dawrthil le a hngaktu himnak ding ah CCTV cu mahpumpak tein Aungust 31 chung ah bunh cio ding in le bunh dih tikah hmanthlak he zung ah report pe cio ding in an thanh.

Dawrngeitu hna nih CCTV bunh ding in harsatnak an ngeih ahcun zung ah chim ding a si lai i, zung lei nih tawlrelpiak ding asi lai tiah an langhter. Ramchung hmundang ah cun dawr suam thawng theih ding a um nain Chin ramkulh chung ah cun atu tiang cu bantuk thawng pang theih ding a um rih lo, tiah theih a si.

Leave a Reply