Hi thawngpang a theihtu kan lai miphun vialte an lung a fak dih. Falam lei thawngzamh ca pakhat nih a ttial ning ahcun Rihkhawdar- Falam peng ah Kap Hlei Piang “Suangdo khua mi” cu November 3/ 2020 zaanlei nazi 5pm hrawng ahkhan ttihnung taktak in thah a tuar. A thattu pa zong palik nih an tlaih khawh colh. Nihin ah biahalnak ttha tein an tuah khawh cang.

Hi thahnawnnak he pehtlaih in Rihkhawdar khuabawi pu Lalchanlian nih a chin ning ahcun zaanlei sang ahkhin Palik bawi pakhat nih phone arak ka chawnh i, lunghrinh mi thil an um tiah arak ka chimh. Zei dah a si hnga tiin ka vun kai i, ka zoh cu lungzi in minung lu arak i tuam mi cu minung pakhat nih arak i put. Bia kan hal len nain zeihmanh arak chim duh lo. Cu pa cu Pathian bia a chim lengmang mi a si.

Kap Hlei Piang “Sangdo Khua mi) a thattu pa hi mindat peng mi a si i, rih ah rianttuan in a um mi a si. A umnak hi kumkhat lengkai a si cang tiah chinlung today nih an chim. Mi that lainawng pa hi a min ah Thanga tiah an auh. Amah pa hi Tluangte a lung laknak ah rian a ttuan mi a si. Mipi nih mithattu pa hi a muihmai tha tein rak kan zoh ter uh tiah palik sinah an hal hna. A tanglei ah amah mihat pa -Pianga nih kawl holh in fiang tein a chimnak video zong kan rak tar chih.

Thawngpang dang relchih: Tutan US thimnak kong he pehtlaiin tuan “thimnak” tuah hlan ah president Trump nih a rak chim mi cu a chim bantuk tein nihin ahcun a tak in a tlung taktak cang hih. Atu zong zeirungah dah US president thimnak an ngol (stop) chung rih? timi cu a tanglei ah fiang tein theih khawh si cang. An chim ning ahcun: Wisconsin vote relnak hi zing 4am tiang hrawng cu a ttha zeicatiah zohtu (observer) nih an um pi hna nain tlangtlaktu an ttin hnu cun hrokhrolnak lawngte a lut an ti.

Cu lawng si loin Pensylvenia zong hi President Trump a thawn chin lengmang tikah zohtu pawl pe 20 hlat ah an umter hna. Cu hnu cun aa thleng ti si. Hrokhrolnak aa tel tuk an ti. Ruahlo tuk in thil aa thlenmi cu ahopoah an khuaruah a har cio. Hi ruangah atu bantuk dirhmun tiang a chuah phahnak hi si. hmehpiak law video um lai.