Breaking News: Maw ka thin aww! Thai Ram Ah Phungning Loin Alutmi Myanmar Rammi 100 Leng An Tlaih Hna

Myanmar News

Breaking News: Maw ka thin aww! Thai Ram Ah Phungning Loin Alutmi Myanmar Rammi 100 Leng An Tlaih Hna. Thai ram ah phungning loin a lutmi Myanmar rammi 100 leng an tlaih hna Thai ram ah phungning loin a lutmi Myanmar rammi 100 leng an tlaih hna tiah theih asi. Myanmar ram sipuazi ramkhel le himnak um lomi dirhmun ruangah Myanmar mipi tampi cu a lam phunkip in ram dang chuah in rian ṭuan i timh asi. Khanchanaburi peng ah phungning loin a lutmi 42 cu August 4 ah tlaih an tong i ni tlaklei Thai ram zong ah Myanmar rammi 110 an tlaih hna tiah Royal Thai Army nih a thanh.

Thai ram ah phungning loin a lutmi Myanmar rammi 100 leng an tlaih hna

Tlaih a tonngmi 110 chungah pa 74, nu 36 an i tel i August 2 chun sml 1:00pm hrawng ramri hmun 4 ah tlaih an tong. A rak ratpi tu hna 3 le an phorhnak hna mawṭaw 4 zong tlaih chih an si. Tlaih a tongmi hna hi Myanmar ram Bago, Dawei, Yangon, Magway, Irrawaddy le Mawlam yaing khua hna in a raami an si i Thai ram chungah rianṭuan ding in minung pakhat nih broker man baht 20,000-35,000 tiang an pek hna tiah theih a si. An ngandamnak an check hna tikah an ṭhat ko caah Lah-wah-kah phungning in a zizut dingah palik sakhaan ah kuat an si tiah an langhter.

Thawngdang Riahcaw Laak Ah A Kalmi SAC Ralkap 7 Cu Bomb Puah Nakin An Thi Dih: Sagaing ramṭhen, Pale peng ah riahcaw laak ah a kal mi SAC ralkap 7 cu nizan August 7 zinglei ah PDF nih bomb an puahhnawh hna caah an dihlak in an thi dih, tiah theih a si. Nizan zing sml 6:45 hrawng ahkhan ralkap 7 cu Pale peng Tapikung khua pawng Natsinkung Zayet tlang lei kap ah bomb lung 6 in kan puahhnawh hna, tiah Royal Eagle People Defense Force-Pale in ṭuanvo ngeitu nih a chim.

“August 3 ah Pale in SAC ralkap 80 hrawng nih rallam an rak sial. Mintaingpin phungki sianginn ah zan khat an riak. Rallam a sialmi bochan in Innmahti khua ah riahcaw la ding in a rami SAC ralkap 7 cu bomb lung 6 in kan puahhnawh hna,” tiah a chimchap. A thimi ralkap 7 cu Mintaingpin phungki sianginn ah a riakmi hna he phu khat an si, tiah theih a si.

Kahdoh an ton hnu in a taangmi ralkap pawl nih Mintaingpin khua he aa naihnak ah a ummi Tharyarkung khua cu an khangh caah inn 30 leng a ciam cang. Cu pinah ngandam lo in ral a zaam kho lomi Mintaingpin khuami Htet Htet, kum 30 cu a inn ah an kah thah, tiah theih a si. Credit: The Chin Post

Thawngpang dang: Russia Embassy Cu Naypyitaw Ah Ṭhial Ding In Min Aung Hlaing Nih A Chim: Russia ramleng Minister he tonnak an ngeih lio ah Min Aung Hlaing nih Yangon ummi Russia Embassy cu Naypyitaw ah ṭhial ding in a chim, tiah Russia thawngthanhnak zung TASS nih a ṭial.

Yangon in meng 200 leng a hlatnak Naypyitaw ah Than Shwe chan lio 2005 ahkhan cozah zung cu rak ṭhial a si. SAC ralbawi hna nih an mah lung tling tein an sermi Naypyitaw ah ramkip Embassy cu ṭhial ding in aa thlengmi cozah kip nih, an rak i zuam ko nain Tuluk Embassy lawng an ṭhial khawh.

Russia cu Myanmar ram hawikom ṭha a si bantuk in nawlngeihnak lak hnu in Min Aung Hlaing cu, Russia ah voi hnih a tlawng cang i, Russia le SAC kar ah kaphnih tonbiaruahnak a um pah lengmang. SAC nih Russia ram ah Council zung pahnih hun ding in timhtuahnak a ngei, tiah Naypyitaw ah a voikhatnak bik a phanmi Russia ramleng Minister nih a chim.

Leave a Reply