Breaking News: Maw ka thin aww! Mizoram Khuabung Khua Ah Chin Mi Pahnih Kar Ah Thahnawnnak A Chuak!

Myanmar News

Mizoram Khuabung Khua Ah Chin Mi Pahnih Kar Ah Thahnawnnak A Chuak! Mizoram Khuabung khua ah khuasa mi Falam peng, Hnah thial khuami Hrang Than Ce, kum 40 nih Tedim peng Langzang khuami Ngo Khan Do, kum 42 cu August 13 zaanlei ah sobul in a tuk i a thi, tiah theih a si. Ngo Khan Do hi Khuabung khua le a kiangkap ah Inn saknak thilri pawl a zuarmi si i Hrang Than Ce hi khuabung ah thing at mi a si, tiah theih a si. Hrang Than Ce nih Ngo Khan Do cu a lu le a cal ah sobul in a tuk caah athi aruak cu thlalangawng in a hlonh a thisen pawl cu ti in a ṭawl dih hnu ah khuami sin ah ‘mi ka thah sual caah palik sin ah ka kalpi u’ tiah amah tein aa phuang tiah theih asi.

Thah a tongmi Ngo Khan Do cu fa 4 ngeimi a si i, achungkhar cu Tedim ah an um tiah theih a si. A ruak cu nihin august ni 14 ah a chuahnak hmun Langzang khua ah an tlunpi, tiah theih asi. Hrang Than Ce nih Ngo Khan Do hi zeiruangah dah a thah ti cu fiangin theih asi rih lo nain leiba ruangah bia-alnak an ngei, tiah khuami nih an chim.

Thawngdang relchap KIA/KIO Kan Duh Lo Tiah Ralhrang Ttanh Tu Hna Sagaing ramtthen ah KIA/KIO kan duh lo tiah ralhrang ttanh tu hna ralhrang nih nikhat ah kyats 5000 phalh in an au ter hna. Phalh mi a autu minung hna khi singkhat an tling lai lo,5000 phalh aumi mi nung pa zeizat dah nang na hmuh khawh ve hna? Mah thawngpang hi atang leiah avideo zoh khawh asi lai.

Thawngdang Halkha cung in SAC ralkap Jet Fighter Raltuk Nak Vanlawng A Zuang Ee. Breaking News. Atu hi tihnung ngai asi kan i ralrin ahau cang. Halkha cung in Aug 13 zan sml 10:03pm ah Jet Fighter raltuk nak vanlawng a zuang. A thawngpang cu a sang tuk in a zuang lo ti mi a aw in theih khawh a si i, chum a tam tuk caah a mui a lang kho lo. Mizoram ramri tiang a zuang. Mah vanlawng hi Timit lei kahdohnak ah ralhrang an dirhmun a chiat ngai caah raltuknak vanlawng bawmh an hal tiah theih si. Credit; Salai William Hlawnceu

Leave a Reply