Breaking News: Matupi Peng Zotung Hmunram Ah SAC Ralkap An Lut I, Khua 11 In Khuami 2500 Hrawng An Zaam

Myanmar News

Breaking News: Matupi Peng Zotung Hmunram Ah SAC Ralkap An Lut I, Khua 11 In Khuami 2500 Hrawng An Zaam. Matupi Peng Zotung Hmunram Ah SAC Ralkap An Lut I, Khua 11 In Khuami 2500 Hrawng An Zaam Chin ramkulh, Matupi peng, Zotung hmunram ah SAC ral kap pawl an luh caah zotung hmunram khua 11 in khuami 2,500 hrawng ralzaam dirhmun an phan. SAC ralkap 80 hrawng cu nizan August 6 ahkhan Nabung khua ah an lut tiah theih asi.

May be an image of 3 people, people standing and outdoors

`

SAC ralkap hna cu Gangaw in Matupi peng lei ah an lut i, kahdohnak a um lo nain hriamngan le hriamhme an thlah hnu ah Nabung khua chung ah cun an lut tiah CDF-Zotung nih an thanh. Ruah a sur peng caah ralzaam hna ṭhutdirnak, umkalnak, riahcaw le sii-ai pawl an har ngai i, bawmh an herh ko tiah CDF-Zotung nih an cathanh ah an langhter.

Thawngdang th August 2022 (Thursday) ah khan Hualngo ralkap Local Defence Force (LDF) hna nih Haimual ah CJDC tang um mi an member pawl PDF-Zoland hna cu an kah hna. PDF-Zoland ralkap pahnih cu hliam faak an tuar tiah theih si. Hliamtuarmi hna hi Champhai siizung ah zohkhenh an si hnu ah an hliamhma a zual deuh caah Aizawl kalpi (refer) an si. Ralhrang a doh veve mi an si pin ah CJDC members hna nih atu bantukin anmah le mah an i kah cu lung a ttha hrim lo. Source: TAHAN NEWS

May be an image of 6 people, people standing and outdoors

Nihin thawngpang dang: ZAHNAKTLANG CHUNG AH CDF-THANTLANG BATTALION-4 (Zahnak Battalion) POLICE NIH HEROIN RITHAISI (No.4) AN TLAIH. CDF-Thantlang Battalion-4 (Zahnak Battalion) Police nih 5 August 2022, zaanlei 4:30 hrawng ah Thangzang le Ruakhua lampial Check Gate ah rithaisii (heroin-No.4) 150 gram cu, Fungkah khuami Pu Za Hup le Pu Van Za Ham hna sin in an tlaih.

May be an image of 5 people, people sitting and people standing

Hi an tlaih mi rithaisi hi a tulio rithaisii market in kyats sing zahnih (20,000,000) man hrawng a si tiah ruahdamh a si. Hi rithaisii hi Kalay lei ah an lak i Mizoram Sangau ah pek ding in an kalpi lio ah Palik nih an tlaih mi a si. Hi hna hi cu hlan zong ah a rak tuah bal mi an si i anmah he a tuahṭi mi hawi dang siseh, an theihhngalh mi rithaisii zuar dang zong Zahnaktlang chung ah an um rih tiah theih a si.

Hi tlaih mi Pu Za Hup le Pu Van Za Ham hna hi CDF-Thantlang, Battalion-4 Biaceih Zung (Department of Judiciary) nih an bia a ceih hna lai i aa tlak ning in sualphawtnak le dantatnak tuah ding ah timhlamh cuahmah lio a si, tiah theih a si.

Leave a Reply