Breaking News: Mandalay pengkomh ah August thla chung ah Covid- 19 zawtnak in minung 700 hrawng an thi. Mandalay pengkomh ah August thla chung ah Covid -19 zawtnak ruang ah minung 700 hrawng an thi tiah Mandalay khua bawmchantu bu sin in theih a si. Covid ruangah August thla zarhkhat nak ah minung 200 leng an thi, zarhhnihnak ah 200 leng, zarhthumnak ah 160 leng, zarhli nak ah 120 leng an thi. Covid ruangah a thi mi min cazin hi Mandalay khua Volunteers bu hna nih an bawmhmi cazin lawng a si.

Mandalay pengkomh ah July thla chung ah a thi mi minung 2000 leng an si nain August thla chung ah Covid mizaw minung 700 hrawng an thi,July thla nak in August thla chung a thi mi hi cheuthum chung ah cheu hnih a tum.A thi mi hna hi kum upa deuh hna le zawtnak dang a ngei mi hna an si i sii-inn a kal kho lo mi, sii lei ah a harsa mi, Oxygen lei ah a harsa mi hna hi a thi mi an si. Rallokap ngandamnak lei in August thla chung an chuah mi ahcun Madalay pengkomh chung ah Covid in a zaw mi minung 728 an si i a thi mi minung 261 an si tiah an thanh. Source – The Chin Post

Kayin ramkulh, Gyainnseaitgyi peng Gyait Mkhua in KNLA hmunhma chungah lut mi ralhrang phu hna le KNLA brigade 6 kar ah September 1 ni, zinglei ah kaphnih kar kahdohnak a chuak tiah theih a si. Kap hnih kar kahdohnak a chuah hi zinglei suimilam 7:00 hrawng ah a si lai, suimilam cheu hrawng an rau, ralhrang phu hna cu Gyait khua in nizaan zaan ah an ra cang.Maihkaling tiva pawngah umhmun khuar in sakhan an chiah.

Paingkaladung khua phakhlan ah KNLA he tong in an i kap tiah khuami pakhat nih Yangon Khit Thit Media ah a chim.Ralhrang phu hna an phanhnak Gyaitle Paingkaladung kar Meihkaling tiva ah nihin zinglei suimilam 7:00 hrawngah cuka hmunhma ummi KNLA phu he kahdohnak a chuak tiah khuami pakhat nih a chim.

Kahdohnak a dih hnu ah ralhrang phu hna kuttang ummi Kayin ramri hngak BGF phu hna cu cuka hmunhma ah am kal tiah KIC thawngzamhnak nih a langhter.Cuka Gyait khua pawng ralhrang phu hna sakhan cu a luancia ni tlawmpal ah Khan KNLA nih meikhangh in an hrawh.

The Chin Post