Breaking News: Mandalay Ah Ralhrang Hna Nih An Bomb In An Cheh Hna Pa 2 An Thi Tamngai Hliam An Tuar. Mandalay ah SAC ralhrang phu hna cu kut cheh bomb in an cheh hna ralhrang minung 2 an thi, hliam tuar mi an tam. Mandalay ahralhrang phu hna nih um hmun an khuar nak hmun no. 95 battalion ah nihin September 7, zaanlei suimilam 6:00 luan ah kut cheh bomb in an cheh hna caah , um hmun an khuarnak hmun ah ralhrang minung pahnih an thi, hliamtuar mi an tam tiah theih a si.

Ralhrang phu lei nih an kah ve hna caah bomb in a chap tu phu chung in mino pakhat cu meithal kuan nih a khen tiah theih a si. Nizaan zong ah Amarahpoerah khua ah ralhrang phu hna cu hliamtuar mi an tam, cun Manaw-man dum hmai security hngak mi palik pakhat zong kut cheh bomb in cheh a ton caah a kee ah fakngai in hliam a tuar tiah theih a si.

Thawngdang Kaya ramkulh (Kayinni) Demawhsu khua palik riahbuk cu Kayinni phu fonh nih doh in an lak khawh tiah khuachung thawng zamhnak nih an langhter. Kayinni ramkulh Loikaw-Demawhsu lam thluan ah ralhrang phu hna le Kayinni phu fonh hna cu nihin September 7,zaanlei ah kahdohnak a chuak, DawPoeSi khua,Sanpiah meng 6,Dawngankha umhmun inn cheukhat hna cu ralhrang hriam nih a khen caah an rawk tiah theih a si.

Tuzaanlei ah Dawpoesi khua ah umhmun khuarmi ralhrang minung 200 hrawng tel mi phu cu Kayinni phu fonh hna nih an doh hna i  zaanlei suimilam 7:00 tiang pehtlai in kahdohnak a chuak tiah theih a si. Mah konglam theih hi cu anuam ngai ngai. Teinak cu mipi ta si cang ko lai hih!