Breaking News: Mah Ding Bak Hi Asi Cang Non-CDMer 8 Hna Cu CDF-Kanpetlet Nih Dan An Tat Hna!

Chin News

Mizapi lei ṭang loin SAC kuttang ah rian a ṭuan i, CDM pawl a tlerhtu Non-CDMer minung 8 cu kan tlaih hna, tiah CDF-Kanpetlet nih June 5 ah cathanh an chuah. Chin ramkulh thlanglei Kapetlet peng ah SAC nih rian an ṭuanmi ṭhanchoter a duhmi le anmah kuttang rianṭuantu hna Non-CDM minung 8 cu biaceihnak phunglam ning in CDF-Kanpetlet nih kan tawlrel cuahmah. Peng siibawi pakhat telh in Non-CDM lei minung 8 hna cu dantatnak an tuah hna, tiah theih asi.

CDM a tuahtu pawl zong an tlerh lengmang hna. Kanmah Battalion zong nih Non-CDM pawl cu khua chung in chuah ding ralrin peknak cu cathanh kan rak chuah cang an zulh lo caah kan tlaih hna. Peng biaceihnak le phung lam ning in biaceih piak an si,” tiah CDF-Kanpetlet lei ṭuanvo ngeitu nih a chim.

An tlaihmi 8 chung ah Kanpetlet peng siibawi Dr. Aung San Oo, peng vawlei lei tawlreltu bawi Van Htu, zung rianṭuan Thu Zar Aye, Khonu tum tupi uktu Thun Ṭin sianglairun uktu Aye Maung, Fimcawnnak zung in cazi Om Yawng, sianglairun cachimtu Shi Ling le cazi Shing Ki Ling hna an si tiah an langhter.

Zeitin dah CDF-Kanpetlet nih dan an tat hna ti cu an cathanh ah an langhter lo. An tlaihmi Non-CDM minung 8 hna cu Kanpetlet khuachung ah an um ti lo tiah theih asi. Kanpetlet khua chung ah mizapi tangka a chuahtu minung zong an tlaihmi 8 chung in biathli an phuan. Mizapi lei an ṭan lo asi ahcun a rauh hlan ah dantatnak kan tuah ve hna lai, tiah an langhter. Cu bantuk ṭhiam in SAC a ṭanhtu le Non-CDM he rian ṭuan ṭimi khuanu khuapa hna cu faak piin dantatnak kan tuah cang hna lai, tiah CDF-Matupi nih June 6 ah cathanh an chuah ve.

Leave a Reply