Breaking News: Lungrethei Ngai Asi CDM Syamah Mah 200 Nak Tam Leng Nih Non-CDM An Tuah Than. Chin Ramkulh Ah CDM lei Saya sayamah 223 nih an mah lungtho tein Non CDM an tuah than i Chin ramkulh ah june 7 tiang an mah lung tho tein sac ralrhang kuttang rian tuan than dingin azukhan alutmi fimcawnnak lei saya sayamah 223 an si tiin Chin ramkulh fimcawnnak lei vuanvo ngeitu pakhat sin in theih asi.

Azukhan i ahramthk ah cun june 7 tiang lawng an on hna i 14 tiang an on piak than hna. Chin ramkulh ah june 7 tiang ah minung 223 nih azukhan an tuah. An Tlawm rih mah hnuah minung pazeizat an i c hap rih lai timi cu kan thei bak rih lo tiin ramkulh fimcawnnak lei zung in tuanvo ngeitu nih cun achim mi hi asi. Cun hakha khuapi ah kherhhlainak an tuah ningah cun covid zawtnak cu an um tuk ti lo nain sianginn pawl an on than cang le june 7 niin khan hakha khuapi ah hta-ka siang ah kum 5 in kum 12 kar sianghngakchia pawl cu covid 1 runvennak sii an chunh hna tiin MRTV nih thawngthanhnak atuah ningin theih asi.

Thawngdang Chin ramkulh Mindat le Kanpetlet in mino tamngai cu tanglam in Malaysia le Thailand ah kalmi an tam A kalmi hna chungin kum 18 deuh lei hrawng an si hna i, tam deuh cu nu an si tiah theih asi. Mindat le Kanpetlet in mino hna cu sianginn zong an kai kho ti hna lo rian zong a um lo. A hlan ahcun tawlre le Coffee a cingmi nih an cin. Atu cu rian zong a um ti lo ramdang kal lawng ataang. Nule pa zong nih inn an um cun an thi lai maw? an nung lai tiah an thinphang. Ramdang kal lawng hi lam pakhat a si cang ko tiah Kanpetlet khuami pakhat nih a chim.

Malaysia kalnak hi minung pakhat ah Kyats sing 30 hrawng asi tiah theih asi. Pakokku motor gate le bang ahcun motor pakhat ah nu 30 hna hrawng an i cit ahcun pa cu pakhat hnih lawng an si. Cheukhat cu kawlrawn ah an chung le ummi nih tangka an pek hna cheukhat cu thlaruk rianṭuan man chung in cham te ding in a kalmi zong an um tiah Pakokku um taxi khaltu Chinmi pakhat nih a chim.

Ramdang kalnak tuahpiaktu puaisa hna nih Yangon in Malaysia tiang phanh khawh nakding an tawlrel i, cheukhat puaisa cu Malaysia a kalmi han lam tan ah tlaih an ton zongah a tawlrel piak lomi an um ve. Lam tan ṭim ah tlaih an ton lo ahcun Yangon in Malaysia cu zarkhat ah phak khawh asi tiah theih asi.