Breaking News: Lungfak Tuk Kan Tuar Caah Thantlang Mipi Nih Teinak An Hmuh Hmasa Bik Lai

Chin News

Breaking News: Lungfak Tuk Kan Tuar Caah Thantlang Mipi Nih Teinak An Hmuh Hmasa Bik Lai. Dothlennak kan thawk hnu cun kan lung fahnak zong kan tei lai. Kan mitthli zong kan tei lai. Kan chawva zong kan tei lai Kawl ralhrang kan tei hlan ah kan tei hmasa ding tamtuk kan ngei. A ruang cu kawl ralhrang hi Apple a hmin tikah amah tein vawlei i a tlak bantuk in cun a tla lai lo i kanmah tu nih tla lak in kah a hau mi ralhrang a si.

Tei a herh hmasa mi kan tei tik ahcun—Thantlang hi kawlram chung khuapi (Town) vialte lak ah a luat hmasa mi (liberated town) a si te lai. A tuar bik mi Thantlang nih teinak darkhing a tum hmasa te lai. Dothlennak a tuahmi le aa tel ve mi nih cun cu lunglut tal kan ngaih khawh a hau cang tiah theih asi.

Myanmar: Whole town flees amid fierce fighting - BBC News

Thawngdang relchap Good News: Depeyin Ah Inntek Ralkap Fonh Phu Hna Nih Kawl Ralkap 50 Tluk An Thi. Nizaan November 28 lio ah hin Sagaing Ramthen Depe yin Peng Nyainghla khuapawng ah Kawl ralkap 150 tluk cu Inntek rammi ralkap fonh phu nih an rak kah hna i 50 tluk an thi tiah Shwebo ram mi ralkap nih an thanh.

Thawngdang relchap ASEAN-Europe ram hruaitu pawl meeting (ASEM) ah Kawlram kong faak ngai in an chim than. Tutan ASEAN-Europe Summit pi hi a biapi ngai ngai mi a si bantuk in ram hruaitu (50) tluk an kai ti asi. Cu meeting ahcun Min Aung Hlaing nih ram mipi uknak, nawlngeihnak a chuh mi hi pe than than cang, hruhru hranghran in tharung a hmannak, Nuhrin Covo a buarnak vialte hi ngol cang seh tiah an duhnak cathanh chuahnak le forhfialnak zong an tuah tiah theih asi.ASEAN-Europe Meeting cu November 26 in an thok i nihin November 28, 2021 ah a dih. Cu an meeting a dih hnu ah a taanglei bantuk in cathanh le forhfialnak zong an tuah hi asi.

Kawlram buainak, tulio Kawlram boruak hi thinphang a si cang. Kawlram mipi nunnak le khuasaknak caah thinphang tuk a si. Cu caah cun  ASEAN hi biahren (5) forhfialnak nan tuah mi hi Europe lei nih biatak tein kan dirkamh, Min Aung Hlaing nih a zulh nak ding ah faak pi in kan forhfial than. Nuhrin covo buarnak hruhru hranghrang tharung hmannak vialte a ngol in ram mipi sin ah uknak a pek than awk asi tiah bantuk pawl an chim hi asi.

 

ASEAN-Europe ton biaruahnak ah Min Aung Hlaing cu an sawm duh lo. ASEAN meeting zong ah hnon a si bantuk in tutan biaruahnak zong ah hnon a si cang. December 1, 2021 ah UN nih Kawlram aiawh minung an thim cang lai, SAC maw an thim lai NUG palai dah timi kong ah thintur ngai in a hopaoh um cio lio asi.

Leave a Reply