Breaking News: Lung Khin Siizung Pawng Ah Bomb A Puak Apawngkam Minung An Lautuk. Internet line an phihnak zarhhnih a si cang mi Kachin ramkulh Phakanh peng Lung Khin Sizung chung in riantuan tu hna an umnak innhmai ah September 5 zaanlei suimilam 7:30pm ah bomb a puak tiah khuami pakhat nih a chim. Rallokap uknak in Lung Khin sizung cu on than ding in khua nu khua pa cu an lem hna. On ding le on lo ding cu September 6 zing suimilam 10:00 Am ah sizung chung ah meeting tuah ding in ca an pek cang hna i atu September 5 zaan ah bomb a puah hi a si. A hliam mi cu an um lo tiah a chim.

August 31 zinglei zong ah Phakanh peng Sipin zung luhnak kutkaa ah bomb a puak i a hliam mi tu cu an um lo tiah theih asi. Phakanh peng cu August 20 Zaan 8:00 Pm thok in internet line vialte le WiFi vialte cu nihin tiang an phih dihh. Phakanh ahcun rallokap uknak duh lo nak pehzulh in an langhter peng rih. The chin post

 

Thawngdang Kawlram chaklei hawikom hriamtlaibu 3 a si mi AA, MNDAA le TNLA hna nih covid le kahdohnak ruangah Kawlram mipi harsatnak ruah in ralkap cawlcanghnak vialte ngol cio dingin nihin September 4 ah cathanh an chuah. Cathanh nih a langhter ningah ral hrangbu nih February 1 ah rampi uknak a lak hnu dai tein duhlonak a langhter mi hna cu ralhrangbu nih an thah hna an tlaih hna ruangah ramchung hmunkip meithal a puah.Kahdohnak zong a zual.

Kawlram chung covid-19 zawtnak ruangah mipi nunnak tampi a liam, eidin, chawlehnak zong harsatnak tampi an ton pin ah ramchung hmunkip ah kahdohnak ruangah mipi nih harsatnak fak piin an in. Ralhrangbu nih thazaang tampi an i chap hriamngan in khua an kah, mipi an tlaih hna, an thah hna ruangah kahdohnak a karh chin lengmang mi a si.

Cu caah covid-19 runvennak kongah pawngkam ram le vawleicung covid runvennak phu hna he tuanti ding le mipi nih atu nakin harsatnak an ton ti lo nak ding caah rianngeitu vialte nih lam kawl cio ding le mipi harsatnak a pe khomi ralkap cawlcanghnak vialte hrial le dinter dingin pehtlaihnak a ngei mi bu vialte hna sin ah kan in forhfial hna tiah cathanh an chuah.