Breaking News: Lawm Um Tuk Ee! ThaHtone Peng Le Yesagyo Kahdohnak Ah SAC Ralkap Ceilak In An Thah Khawh Hna

Myanmar News

Breaking News: Lawm Um Tuk Ee! ThaHtone Peng Le Yesagyo Kahdohnak Ah SAC Ralkap Ceilak In An Thah Khawh Hna. ThaHtone Peng Le Yesagyo Kahdohnak Ah SAC Ralkap 10 An ThiK NU hmunram Brigade 1, ThaHtone peng chung ah SAC ralkap le KNLA ṭangrual phu hna cu nizan June 14 ah sml 7 chung an i kap i, kahdohnak ah SAC ralkap 7 an thi. 6 hliamhma an pu, tiah PDF sin in theih a si. June 14 zing sml 6:00 hrawng ah HtoneBuLay le WeiYawkhua lei ah rallam a sialmi SAC ralkap, BGF le KNLA Battalion 2, PDF hna kahdoh nak a chuak i SAC ralkap 7 an thih lengah 6 hliamhma an pu, tiah KHNU Brigade 1 nih an langhter.

Kahdohnak chung ah KNLA le PDF lei in a thimi le hliam tuar an um lo. SAC ralkap pawl nih HtoneBuLay khua lei ah hriamngan voi tam ngai an kah tiah theih a si. Yesagyo peng SinChaung le ZiKung khua kar ah SAC ralkap cu Yesagyo PDF nih bomb voi 2 an puah hna caah 3 an thi i, 3 hliamhma an pu tiah theih asi. Nizan June 14 zanlei 6:00 hrawng ah SinChaung le ZiKung khua kar LayKyi hlei pawng ah SAC ralkap citmi motor 1 cu bomb kan puah hna. Motor hnulei in cycle in a rami SAC ralkap pawl zong bomb in kan puah ṭhan hna caah 3 an thi i, 3 hliamhma an pu tiah Yesagyo PDF nih cathanh an chuah. Yesagyo PDF lei in a thimi le hliam tuar an um lo tiah theih asi.

Thawngdang Myanmar Ram Pumpi In Nikhat Chung Kahdohnak Ah SAC Ralkap 47 An Thi Myanmar ram pumpi huap in June 14 nikhat chung kahdoh nak ah SAC ralkap 47 an thi. PDF 4 a nung in tlaih an tong i PDF 1 a nunnak liam tiah Khit Thit Media nih a langhter. Khit Thit Media nih cazin a khawmhsuat ning ah SAC ralkap athi mi hna cu Chin ramkulh Mindat ah 5, Mon ramkulh Kyaukthu ah 3, Thaton ah 2, Sagaing ram ṭhen Myaing ah 2, HtiCheih ah 3, InnDaw ah 9, Magwe ramṭhen Saw ah 2, Myiang ah 4, Mandalay ramṭhen NganZun peng ah 1, Bago ram ṭhen ThanTaPin ah 2, Shan ramkulh chaklei Theinni ah 4, Kayah ramkulh ShaeSue ah 10 tiin an dihlak 47 an thi.

Sagaing ramṭhen Monywa ah PDF 1 a nuunnak liam i Shan ramkulh Moese ah PDF ralkap a nung in 4 an tlaih an tong. Nawlngeihnak Laak Hnu Ni 499 Chung Ah Minung 1941 Nunnak A Liam Cang!: AAPP nih June 14 i cathanh a chuah ning ah Myanmar ramchung ah SAC ralkap nih nawlngeihnak a laak ni 499 chung ah sualnak ngei lo minung 1941 thah an si cang tiah theih asi. Tlaihkhih a tongmi dihlak hi 14,110 an si i, an thlah ṭhan mi 3036 an si. SAC ralkap nih mi nunnak a laak mi hna chung ah Yagon in nunnak a liam mi tambik an si.

Leave a Reply