Breaking News: KIA/KIO Kan Duh Lo Tiah Ralhrang Ttanh Tu Hna-(+VIDEO)

Chin News

Breaking News: KIA/KIO Kan Duh Lo Tiah Ralhrang Ttanh Tu Hna Sagaing ramtthen ah KIA/KIO kan duh lo tiah ralhrang ttanh tu hna ralhrang nih nikhat ah kyats 5000 phalh in an au ter hna. Phalh mi a autu minung hna khi singkhat an tling lai lo,5000 phalh aumi minung pa zeizat dah nang na hmuh khawh ve hna? Mah thawngpang hi atang leiah avideo zoh khawh asi lai.

Thawngdang Halkha cung in SAC ralkap Jet Fighter Raltuk Nak Vanlawng A Zuang Ee. Breaking News. Atu hi tihnung ngai asi kan i ralrin ahau cang. Halkha cung in Aug 13 zan sml 10:03pm ah Jet Fighter raltuk nak vanlawng a zuang. A thawngpang cu a sang tuk in a zuang lo ti mi a aw in theih khawh a si i, chum a tam tuk caah a mui a lang kho lo. Mizoram ramri tiang a zuang. Mah vanlawng hi Timit lei kahdohnak ah ralhrang an dirhmun a chiat ngai caah raltuknak vanlawng bawmh an hal tiah theih si. Credit; Salai William Hlawnceu

https://www.facebook.com/william.hrangsai/videos/2254788294675669

 

Thawngdang Min Aung Hlaing ngeihmi Inya View hmun cu NUG nih a voihnihnak Project in, August 5 thawk in zuar hram a thawk i, zarh khat chung ah dollar sing 8 leng man in an zuar khawh tiah theih a si. Hramhram uk donghternak phu (The End of Dictatorship-EOD) nih Hlaing peng meng 6 ah a ummi, 1.8 acre a kaumi hmun pakhat cu Min Aung Hlaing nih a rak fir caah an zuar i, dollar sing 8 leng man a zuar khawh cang.

Cu pinah Share 500(dollar 50000 man) cu minung pakhat lawng nih a cawk. A luancia August 8 ah khan 88 buainak philh lonak ah tiah atu Singapore ummi nih 8888 min in Share 88 a cawk tiah EOD nih an thanh. NUG nih Min Aung Hlaing a inn le lo zuarnak a tuahmi hi 2022 Febuary 24 ah cathanh a rak chuahmi a rian a pehzulh. Min Aung Hlaing nih a firmi hmun hi rampi ta a si caah cawk zuarnak an tuah hi a si, tiah theih a si.

The End of Dictatorship-EOD nih, Min Aung Hlaing nih vawlei hmun a firmi le inn le lo a sakmi cu kan chuh ṭhan lai. Cu pinah a dang SAC ralbawi hna nih an firmi inn hmun le vawlei hmun vialte zong pakhat hnu pakhat in kan zuar lai i, dohthlennak ca ah kan hman lai, tiah an langhter.

Leave a Reply