Breaking News: Khah Nawlthar An Chuah Mi Cu ASEAN Biahren Phun 5 Kan Zulh Than Dih Lai

Myanmar News

Breaking News: Khah Nawlthar An Chuah Mi Cu ASEAN Biahren Phun 5 Kan Zulh Than Dih Lai. October 23 ASEAN nih kan Pu meeting kai lo ding an biachah mi kan dohkalh nain biahren phun 5 hi a si khawh chung in kan zulh than ko lai tiah sualchir in SAC phu nih cathanh an chuah than. ASEAN summit ah Min Aung Hlaing sawmlo ding le amah zaka ah Myanmar ram a ai-awh khotu a si lo mi sawm ding tiah an biachahnak kan zuul kholo tiah cathanh an chuah mi cu nihin ah biahren 5 kan zulh lai pin ah ram khat le ram khat pehtlaihnak kan fehter lai an ti. Aralai mi December ah tuah ding mi Vawlei cung ram rum pasarih G7 le ASEAN upa hna tonbiaruahnak zong ah Min Aung Hlaing te phu sawm bak lo ding.

May be an image of 3 people and people standing

Thawndang Salai Lungthli tum abia chim mi cu lih lawngte asi Delhi um mi Salai Cungdawt nih akonglam cu fiangtein achim. Uico pawl hna motor 50 in Lai lang an rak kai thawk cang an ti lio kha Kawi Aung nih hi tin a tialmi ka hmuh. A pasal bak hi teh lampi bak in AK47 he a rak bawh ko hna lai hih, a rak ka soisel tam tuk ruang ah paih ka sawmmi zong kha let than a hau’ ka ti len.

A himnak ding zong ka ti khawh tawk thla ka cam piak set ve. Nain uico pawl Falam an lonh ah Kawi Aung cu ruah lo piin Delhi ah hna ngam ngai in ai chawk len ko. Tlanghra dan in a rak kah len hna tinak a si. Kawi Aung bantuk in meng thong dan in uico kah khawhnak training rak kai cio ve uh mu. Dalan uar pawl caah cun keimah nan ka kahnak ding tal ah a thahnem tuk lai kha ati.

Thawngdang relchih CDF-Mindat+ CDF-Matupi nih SAC ralkap 5 an kahthah hna. October 21 lio Matupi le Mindat kar meng 78 hmun ah kahdoh nak a um i CDF-Mindat+ CDF-Matupi nih SAC ralkap 5 an kahthah hna i hliamh mi an tam tiah kan theih. Mah thawnpang hi update thar mi cu asi. Share khawh asi.

Thawngdang relchih Sagaing ramthen Kanbalu peng, Chet Tin palek sakhan in palek panga nih CDM kan tuah lai tiin Kangyi khuami U Tin Tun le a fapa Kaung Thiha cu an auh hna i biahalnak hmun ah an thah hna tiah khuami hna nih an chim.  Oct 20, zanlei suimilam 4 ah Kan balu peng Chet Tin palek sakhan ah a ummi palek panga hna nih Kangyi khuami U Tin Tun (kum 49) le a fapa ngakchia bik Kaung Thih kum 21 cu CDM tuah kan duh cash saikel pathum kan herh tuk, nan kan bawm kho hnga maw tiin an hlen hna.

Cun U Tin Tun le a fapa cu palek panga hna bawmh dingin Kangyi khua in Chet Tin khua lei an kal lioah palek nih an tlaih hna i Oct 21 ah ral hrang biahalnak hmun ah an thah hna tiah theih a si.  U Tin Tun le a fapa thihnak kongah ralhrang nih cun an tak cungah tuahchom bomb kan hmuh i dir u kan ti hna nain an dir duh lo caah kan kahmi hna a si tiin lih le hrokhrawl in thawng an thanh, tiah khuami hna nih an chim. Ref: Khet Thit Media

A dang Thluaklei tlamtling lomi nih hringtu a pa telh in minung 4 naam in a thah hna Chin ramkulh, Mindat peng Makiu Ingnukhua ummi Maung Zawng Thang (Kum 36) nih October 22 chun ah hringtu a pa telh in minung 4 hna cu tlanglo facang an cil lioah ruahlo piin naam in a thah hna, cun midang pahnih zong a hliamh hna tiah theih a si.

A thahmi minung 4 lakah kum 60 a upa cangmi nu zong ai tel ve tiah theih a si i ai hliammi minung pahnih lakah pakhat cu kum 5 ngakchia a si. Maung Zawng Thang hi PCM Khrifabu Pastor (Pension) U Thang Ling Bu (Kum 60 hrawng) i a fapa fangkhat te a si. A chuahka tein Vok zawtnak( Watzu) a ngeimi si.

Pastor pa a dawtu pawl nih a lo facang tuan an bawmh. Anih hi cu hlan cu mi zong harnak a pe balmi a si lo, thlapa lai lio si caah a zawtnak a puan bia zong si kho. Cun ram buairuang le zawtnak ruangah lengchuah a ngahlo caah thinlung retheih ruangah ruahlo piin a zawtnak a zual zong asi kho. Khua upa nih an tlaih i an hren ko ” tiah khuami pakhat nih cun a chim.

Source: Zalen

Leave a Reply