Breaking News: Khah Maesot Ah Phungning Lo Internet Thilri Tlaih! Myanmar-Thai ramri Taung-Yin-Myit pawngah phungning loin atu hi internet an bunhmi cu kan tlaih tiah Thai palek nih June 21 ah thawngpang latu hna sin ah an chim. Online cungah a minthang ngaimi Call Center ah hman khawhmi a si lai tiin an zumh caah June 20 ah Taung yinm yit pawngkam Thai rammi inn telh in hmun dang ah an bunhmi internet hna cu kan tlaih tiah Thai palek lutlaibik nih thawngpang latu hna sin ah a chim.

Phungninglo call centre in rammi hna cu phone card hlennak siseh lamdang dangin an hlen mi hi thlakhat ah Bat 1500 millions tluk a phan caah Thai Prime Minister nawlpeknak ningin tuanvo ngeitu nih call center hmangin phaisa hlen a hmangtu hna hi tlaih dingin palek lutlaibik nih a chim. Pawngkam ram nawl hmasa loin phungning loin internet connection hmangin pehtlaihnak an tuah ahcun Bat sing 1 tluk asiloah cun Kum 5  chung thongthlak asiloah a pahnih ningin dantatnak pek khawh asi tiah Thai zulhphung ah aa tial.

Myanmar ramchung Myiahwatyi lei ah an tuahmi phungninglo resort ah Tuluk le Thai-mipi hna nih Casino le Call Center tibantuk cu phung ning loin an tuah, an bunh. Hi riantuan nak ah hin Thailand rammi siseh Myanmar rammi siseh cuka hmun ahcun hlawhfa tampi an um hna i, Thai nungak cheukhat zong cuka ahcun zuar an tong tiah ramri àh a ummi riantuantu hna bawmhnak petu phu nih an chim.