Hakha khua Gangaw lam gate ah nu pakhat tlaih a tong Chin ramkulh Hakha khua Gangaw lam gate ah SAC nih June 18 Hakha Mann maw ṭaw zohfelnak an ngeih lioah Nu Mada cu an rak tlaih tiah SAC leiṭang Fifty Two News nih an Telegram cahmai ah an tar. Nu Mada aphone chung ah CDF thilthuam he aa thlakmi hmanthlak an hmuh caah CDF he pehtlaihnak na ngei tiah an puh i atu bantuk in an tlaih hi asi. A mah hi Hakha khua Dawthar sang ah khuasami asi tiah theih asi.

Thawngdang US Aum Mi Lainu Kan i Ralrin Bak Ahau Cang Pastor Pa Nih Thlacam Piak Hnuah Thil Tha Lo Atuah Pi Chih! Tlaihhrem a tuartu amah nih a chimning tein kan rak langhter colh ko lai. Hi konglam hi ka nunnak ah a tak in ka tonmi le ka sining vialte a ka thlengtu konglam a si tik ah keimah chimrel hi kai harsat ngai ngai ko.Sianginn ka kainak in innlei ah ka hung i ka nu cu kan pastor te he cun bia rak i ruah in kan inn ah an rak um hna. Ka nu nih cun pastor pawl cu aka chawnhter hna i culak ah cun nungak mi a au ngaimi pastor pakhat zong cu ai tel ve .

Asinain Pathian riantuan an si tikah cubantuklei hoih in rak hmuh ve colh zong cu keimah le keimah kai thiam lemlo. Cukhawh cun nidang bantuk in kan incung lei ah ka kai i ka room chung ah ka lut i ka homework ka tuah.Tlawmpal arauh ahcun ka room cu kutka an van kingh i ka va on ah cun ka nu le kan pastor pa (nungak mi au mi pa cu) kutka hram ah cun an rak dir ko.

Kanu nih cun pastorpa nih thlacamh ta ka duh an ti aka ti caah,aw e thlacam nana cu ka duh ko ka tive hna i ka ok ve ko. Pastor pa nih cun ka nu cu a chuakter i amah lawng ka camh lai aka ti.Pastorpa le keimah lawng cu ka room chungah cun kan um cang i na khup i bil a ti i kai bil i amah cu ka pawngte ah cun adir.A bawngbi zip a phoih thawng cu dinte in ka theih i , zeidah na tuah ka ti tik ah cun ka room a kik tuk ko mi cu ka khualum deuh i’ tiah a ka leh.

Ka nulepa nih ka hngakchiat liote in an rak ka cawnpiak mi mahnak upa tihzah upat ding timi ka van ruat i , pastor a sifawn tik ah zeihmanh chim lem tilo cun daite in ka um than.Tlawmpa ah ka van i hel i ka zoh tik ah cun a bawngbi zip lawng siti lo in a bawngbi tiang a rak i phoih dih cang i a underwear te he lawng a rak dir cang. Ka lau tuk i thawhcolh kai tim i a ka tlaih i ‘ na thinphang hlah hiti hin thla ka cam tawn ning a si a ka ti.

Cuhnu ah a kut cu ka lucung ah a chuan i thla cu a ka camh taktak ko .Ka mit cu kai chim i tlawmpal thla a van cam i ka kut cu a lak i a zah mawh bak aka tlaih ter colh ko. Aran nak in thawh i zam kai timh ah a ka tlaih cang i thahrum in a ka tlaihbawh chih cang i ka cawl kho huaha tilo. Arannak in kutka a va hrenh i ka itkhun cung ah a ka nam i a ka nenh chih. Ka kaa a ka phih i au kai timh poah ah Pathian riantuantu ka si hi tiah aka hro chih.

Abiachim mi le a thiltuah mi cu aidang lawlaw.Ka sikhawh chung cun ka au chih nain ka kaa aka phih caah zeisan a tlai lo. Akut ah ka seh i san a tlai hleilo.Adonghnak ah cun ka bei a dong i cuticun ka cung ah a thil tuah duhmi cu a donghtiang tap bu in ka tuar lawlaw ka fih tuk. Pastor a sinak zong hi ka huat chih dih cang , vawleipi theih in au chuahpi ka duh nain thil thalo tamtuk a cang sual lai ti ka phang fawn.

Ka nu sin ah ka chimh nain capo bantuk men in a ka ruah piak i na cung ah a cang ve ding phun a si ko tiphun khin zei ah a ka rel piak duh bak loh.Cuhnu ah cun mipi pawng ka um tik ah ka thin a phang zungzal cang.Cun,pastor pa cu kanmah Biakinn ah khuallian bantuk in an sawm i pulpit ah amah ka hmuh cun ka thinlung a buai dih i”panic attack” ka ngah.Hi pastor fihnung pa cungah hin thiltha lo phan hram ko seh.