Hakha Township Public Healthcare & IDPs Management Committee nih Bawmh halnak le Thawng thanhnak an tuah Ral ruang ah Inn le lo, Khua le ram chuah tak in CCU-Camp ah aa dormi kan unau minung 71 chungkhar in 21 cu zohkhenh cuahmah lio an si. Bawmhchanh le zuan hnawh a herhmi an si.

A zaw a fakmi nau pawilio, Tar le ngakchia tiin an um hna. Atanglei langhter mi hna hi pek le hlut khawh an si. 01. Facang 02. Chiti 03. Cite Ngapih Khachuan Pee. Piat, Arti tbk. 04. Sa (voksa, cawsa, Arsa le Ngasa). 05. Tangka Sa hlut a duhmi nih voikhat ei ah cuai 11 in hlut khawh an si tiah Hakha Township Public Healthcare and IDPs Management nih bawmhhal thawngthanhnak cu June 22 ah a tuah. Pehtlaih nak cu Pastor Peter Cung Bik-09757036566/09881447871

Thawngdang relchap than MyaungMya Peng Fimcawnnak Zung Rianṭuantu Cazi Nih Phaisa Ks Sing 200 Leng A Zaampi! Ayarwady ramṭhen MyaungMya peng peng kulh fimcawnnak zung cazi rianṭuantu pakhat nih sianguktu hna khualtlawnnak ah hman dingmi phaisa kyats sing 200 leng cu a zaampi tiah tualchung mi nih an chim.

Pengkulh fimcawnnak zung ah cazi ṭuanvo latu Non-CDM pakhat nih Non-CDM sianginn uktu le siangcachimtu khualtlawnnak ding phaisa cu thohpiak loin caan zeimawzat a rauh hnu ah zohfelnak tuah siseh tiah an ti hnu ah cu phaisa cu a zaampi tiah theih asi. Phaisa zaampitu Cazi min cu langhter a si lo i, cazi rian lawng tlai loin phaisa zong a tlaihpiak chih hna. A phaisa kenmi cu tlawm tete in a hman hnu ah, cazin cu a dik ti lo caah a taangmi phaisa cu a zaampi. A dihlak ah Kyats sing 200 leng a si lai tiah ruah asi.

Sianguktu hna cu phaisa an hmuh ti lo caah an thin a hung tuk hringhran. Pengkulh fimcawnnak zung uktu nih cun cu thawngpang cu pho zar loin a thuh tiah fimcawnnak zung rianṭuantu pakhat nih a chim. SAC kuttang sianginn onmi hna chung in Ayarwady ramṭhen hi siang inn kai mi a tambik an si i MyawngMya pengchung zong ah sianginn dihlak onnak an tuah tiah theih asi.