Breaking News: Kawlram Aum Mi Nih Zulh Dih Ding PDF Battalion 3 Nih Ralrin Pek Cathanh An Chuah. Sagaing ramṭhen Tamu-Kalay kar ah kahdohnak a chuah caah a hohmanh kal rih lo ding in PDF Battalion 3 nih, nihin June 8 ah ralrin pek nak cathanh an chuah. June 7 ah PDF Battalion 3 le ṭangṭi phu i bawm in Nanmon Tar – HkunMon Nun khua kar ah SAC ralkap he kahdoh nak atu le atu a chuah caah Tamu-Kalay lampi ah khual tlawn rih lo ding khual tlawng mi phurh rih lo ding in ralrin peknak cathanh an rak chuah.

Mizaw zualmi an um i kal lo awk ṭha lo asimi hna lawng kal ding. Nan kal tik zong ah nan motor thlalang nan hun lai. Motor mei van buin hi nan kal lai tiah an langhter. June 7 zing sml 10:00 hrawng ah Kalay in Tamu lei a kalmi SAC ralkap motor 10 cu Tamu peng Nanmon Tar mi HkunMon Nun le Yanlin Phai khua kar ah PDF ṭangṭi phu hna nih an rak kah hna.

Thawngdang Achungle An Lungrethei Tuk Ee! Kalaymyo Ah Ngakchia Pakhat A Tlau! Kalaymyo Ah Ngakchia Pakhat A Tlau! Kalaymyo San myo sang ah ummi kum 8 ngakchia nu pakhat amin Ruth ti mi cu nihin June 7 zaanlei suimilam 4:00 in khuachung ah a leng i a ṭin ti lo. Cun Ruth cu a holh kho lo mi a si i, inn ṭinnak lam zong a hngalh lo caah a hmutu nan um ah cun phone number 09257187045 ah pehtlaihnak an tuah ding in kan in nawl hna.

Thawngdang Zualko: Apoituk Ee! Kyaukpadaung Ah SAC Ralkap Nih PDF 2 An Thah Hna! Mandalay ramṭhen Kyaukpadaung peng Bote khua ah mizapi vengtu ralkap PDF 2 cu SAC ralkap nih an tlaih hna i, a luancia June 4 ah an nunnak an laak hna tiah khuami hna nih an chim. Bote khuami kum 20 hrawng mino pahnih Minchan University a kai lio mi siangngakchia Hein Zeyar Phyo le Hein Zeyar Oo hna cu ramlak ah an ruak in hmuh an si i, meithal in kah an si tiah an ruak a hmutu pakhat nih RFA nih a chim.

Mino pahnih hna cu sianginn an kai ti lawng kan theih i PDF an si kan hngal lo. An tlaih hna hnu ni 3 nak zinglei Sml 4:00 hrawng ah atu bantuk in an ruak char a si. Tlaih an si lio ah hin chungkhar lei zong nih tonnak nawl an ngei lo i, Khuami zong thawng an kan thanh lo. Hein Zeyar Oo cu a lu ah an kah i, Hein Zeyar Phyo cu a thin zawn ah voi 3 meithal kahnak hmuh asi.

A luancia June 2 ahkhan mino 2 hna hi Letpan Phya khua lei ah rawl an va ei lio ah Letpan Phya palik nih an rak tlaih hna i, an phone chung ah PDF he a pehtlai mi an hmuh tiah an chim. Cu hnu ah an 2 cun Palik sakhan in Tatmah 99 ah an kuat hna i ramlak i rallam riakbuk hna pakhat ah hri in an ṭem hna i, an kahthah hna tiah an ruak a hmutu nih cun a chim.