Breaking News: Kawlram Ah Minung 4 Sin In Covid-19 Zawtnak Hmuh chap

Thawngpang

Hi hmuh chapmi minung Pali hna hi Bago Ramthen in an si. Hmundang, ramdang khual tlawngmi si lo in ramchung ah ichawnhnak in an ngahmi a si tiah Ministry of Health and Sports nih thawng a thanh. Nihin tiang ah Kawlram ah Covid-19 zawtnak ngeimi minung 20 an um cang i pakhat a thi tiah kan theih. Credit: The Chinland Post

No photo description available.

Thawngpang rak rel chih:Atulio zawtnak ṭihnung Covid-19 zawtnak a chuah hnu in Chin state chungah ramdang in a rung tlawngmi hi minung 469 hrawng an si cang tiah theih a si. Ramdang in Chin state chung a rak tlawngmi pawl cu Tedim ah minung 145 hrawng an um. Cun, Hakha ah minung 16 an um. Thantlang ah 38, Falam ah 72, Tonzang ah 25, Mindat ah 99, Matupi ah 28, Kanpetlet ah 10 le Paletwa ah 36 hna ah an um hna hi. An dihlak in minung 469 an si.

Cu ramdang in Chin State ah a rak tlawngmi hna 469 lakah minung 278 cu chungkhar nulepa sinah an i ṭhum hna. Midang cu sizung, biakinn, sianginn tibantuk ah an i ṭhum hna tiah theih a si. Kawlram chungah a voikhatnak Covid-19 an hmuhmi hi US in a rak tlungmi Tedim pa asi.

Chin State Cozah biachimtu Vuanci Soe Htet Htoo nih a chimmi cu “Tedim mizaw cu dam lei a panh deuh cang ko nain sizung in a chuak rih lo. Hi zawtnak a thiang dih hlan cu sizung in a chuak rih lo. Kawlram chungah avoikhatnak a ngeimi a si caah thlopbulnak (checknak) kan zeimaw zat cu kan tuah rih lai,” tiah a chim.

Chin state ah ni 14 chung Covid-19 zawtnak an ngeih le ngeih lo thlopbul ding le zohkhenh ding minung 500 hrawng an um cang tiah Chin World nih a tarlangh.  Chirhchan: Chin World

Leave a Reply