Breaking News! Kawl Ralkap CNF/A Camp Kal An T Tim Than

Chin News

Breaking News! Kawl ralkap CNF/A camp kal an i tim than tiah Tlanglo khuami hna nih chim. CNF/CNA စခန်းသို့ စစ်တပ်မှ ထပ်မံသွားရောက်ရန် ပြင်ဆင်ဟု တလန်လို ရွာသားများပြောဆို. 2021 March 10 CNF/A le kawl ralkap hna kaphnih ton biaruahnak an ngeih dih hnu kawl ralkap lei Camp Victoria ah an lan i nihin 2021 March 11 zong lan than an i tim tiah theih a si.

May be an image of one or more people, people standing and outdoors

Hi kong he pehtlai in Tlanglo khua upa pakhat nih “Nizaan kha kan khua ah an riak. Mehhang zong kan kawlpiak hna i tangka zong an kan pek. Atu hi Camp Victoria lei ah lan an i tim than. Asinain, CNA lei nih lanhter an duh ti lo. Atu hi CNA lei lamkaltu pakhat le ralkap lei bia an i ruah lio a si. A buai ngaingai ko,” tiah a chim.

Atu bantuk in ralkap nih Camp lei lan than an i timh ca ah khuami cheukhat an lungre a thei i Mizoram, Hakha le Thantlang lei ah zaam hram aa thokmi zong an um cang tiah kan theih. Edit/ Atu hi Dr. Sui Khar zong Tlanglo a phan than cang. Bia an i ruah cuahmah. Thawngpang kan in thanh than te hna lai. Credit: The Hakha Post

Relchih: Matupi ah ralkap le palek nih Bapist Mino pastor pa telh in minung pahnih an tlaih hna! Matupi peng khuate thanchonak zung riantuam SAC minung pakhat le Baptist khrihfabu mino pastor pa cu ralkap le palek nih 2021 March 10 zaan ah an tlaih hna tiah kan theih.

An tlaih mi hna kong he pehtlai in khuami pakhat nih, “An tlaih hna hi suimilaam 9:00PM tluk ah a si men lai. Lam an kal lio ah an tlaih mi hna an si. Thawng kan theih ning ah an mah pahnih lawng si dawh an si lo. Pastor pa hi cu biakinn in a kir lei ah an tlaih. An tlaih mi hi tam pah dawh an si,” tiah a chim.

Tuzaan Matupi tlaih a tongmi hi minung pali hrawng an si lai tiah khuami nih an zumh. Minung pahnih cu tlaih an sinak a fiang cang nain pahnih tu hi cu aa fiang rih lo. Ralkap nih uknak a laak hnu Chin Ramkulh chung ah tlaihkhih a tongmi dihlak hi Minister le thimnak zung riantuan an tlaihmi hna telh in minung 70 an si i a tam deuh cu an thlah than cang hna.

Leave a Reply