Breaking News: Kanpalet Ah SAC Ralkap Nih Tualchung Mi Pakhat An Thah A Ruak An Hren! Kanpalet Ah SAC Ralkap Nih Tualchung Mi Pakhat An Thah, A Ruak An Hren! Chin ramkulh Kanpalet ah SAC ralkap nih June 1 zinglei ah an tlaihmi Ko ki Tam cu an thah i, a ruak zong a chungkhar sinah an pe lo tiah tualchung mi hna nih Yangon Khit Thit Media ah an chim. Ko Ki Tam cu a phone chung ah CDF ralkap hmanthlak kan hmuh an ti caah an tlaih i an thah tiah theih asi.

Ko Ki Tam cu Kanpalet peng General Administration Office pawng ah SAC ralkap nih aphone chung ah CDF ralkap hmanthlak aum an ti ca ah an tlaih cu hnu ah an thah tiah kan theih ṭhan. A chungkhar sinah aruak zong an pe lo tiah kan theih tiin tualchung mi pakhat nih a chim. Ko Ki Tam chungkhar nih hlathlainak an tuah hnu ah SAC ralkap bawi le achungkhar hna cu phone in an i chawn i ral bawipa nih cun Ko Ki Tam cu thah a si cang kong le a ruak zong vui a si cang kong cu nisawh ngai in a chimh hna theih asi.

Thawgndang Gangaw Peng Kahdohnak Ah SAC Ralkap Leiin Ralbawi Telh in 30 Leng An Thi: YDF. Gangaw peng kahdohnak ah SAC ral kap lei in ralbawi telh in 30 leng an thi YDF Magway ramṭhen Gangaw peng ah June 2 in kahdohnak a tuahmi SAC ralkap pawl le atu i mah Yaw Defense Force (YDF) karlak ah kahdohnak a chuak i SAC ralkap lei in ralbawi 1 telh in a thimi an tam tiah YDF nih athanh.

Thawngdang Mipi Vengtu KNDF Nih Sac Ralkap Mawtaw An Chuh Khawh Hna. KNDF nih cun ralhrang pawl an mawtaw tihnung pipi an rak chuh khawh cang hna i karenni ramkulh hpasaung le bawlakhe myone chungah sac ralhrang pawl ralram hmai akal mi pawl sakhan lei eidin an kuatnak in arak kirmi sac ralhrang mawtaw run cu karenni ralkap phu fonh nih nizaan june 1 nile ni 2 ah an doh hna i ralrhang tam pi an thih hna pinah sac ralhrang phu mawtaw 2 meithal zun 4 ralrhang pawl thilri dangdang tampi an lak khawh tiin an mah KNDF ralkap chung tel pakhat sinin an theih hi asi.

Karenni army KA le Karenni National Defense Force KNDF Tatzing 16 phu hna fonh nih an dohmi asi i ralrhang mawtaw 2 pinah Drone kah nak hriamnam pawl hriamnam ngan kuanpi pawl solar pawl meithal zun 4 le kuanbawm hna le tatma 66 ralhrang uniform hna an lak kahwh tiin theih asi cang.

Thawngdang Palik Bawi Nu Pakhat KDF Sin Ah A Lut+SAC Ralkap Nih Inn An khangh Lengah Khuami 12 An Thah Hna. Khah Palik Bawi Duhtat-kyat Nu pakhat a min Victoria tiah hngalh minu, kum 25 cu KDF sinah aa fonh tiah KDF nih a thanh. Victoria private number cu lah 272817 asi i SAC ralkap tuahsernak ṭha lo vialte ah lungtlinnak a ngeih khawh ti lo caah lam phunkip kawl in a chuahnak hi a si. June 2, zing lei ah Victoria cu KDF sin ah a lut i, ahimnak hmun ah kalter a si cang tiah theih asi.

 

SAC ralkap kuttang um ralkap le palik hna nih mizapi sin ah hriamthil he nan i fonh ahcun sing 30 pek nan si lai. Hriamthil nan i put khawh lo zong ah nan himnak ding caah tawlrelpiak nan si lai, tiah Karenni Democratic Front (KDF) nih a thanh. Ayardaw Pengchung Khua 3 Ah SAC Ralkap Nih Inn An khangh Lengah Khuami 12 An Thah Hna!

Ayardaw pengchung khua 3 ah May 29 le 30 ahkhan SAC ralkap nih mizapi umnak inn an khangh lengah khuami 12 hrawng cu an thah hna tiah tualchung mi nih an chim. Inn khanghpiak a tongmi khua hna cu Titcho Shwedwinkung le Hinta khua hna an si i, inn 138 a kaang tiah theih a si. SAC ralkap nih an thahmi minung 12 ah 11 cu Hinta khuami an si i, pakhat cu Titcho khua in a si. Titcho khua in thah a tongmi pakhat cu a lu ah meithal kah a si lengah a ruak ah nu hni an venhter tiah theih asi.