Breaking News: Kanbalu Check Gate Le Myeik Khua In Pyusawhti Hruaitu Pa Le Chungtel Pakhat Cu Hruamtlai Phu Nih An Thah Hna

Myanmar News

Sagaing ramṭhen, Kanbalu peng, Zikone khua Pyusawhti hruaitu Ngio Win Naing cu August 17 zinglei sml 5:30 ah, lakphak dawr a ṭhut lio ah Kanbalu UG (KBU) phu nih an kah thah, tiah Kanbalu Underground Warriors sin in theih a si. Lakphak dawr ah a ṭhumi Ngio Win Naing le midang pakhat cu Kanbalu Underground Warriors phu nih an kah hna i, Kanbalu sii-inn ah an kalpi hna lio ah Ngio Win Naing cu a thi, tiah theih a si.

Ngio Win Naing cu amah pumpak in check gate aa ser i, khual tlawngmi le aa chawkmi hna cu a dirter hna i tangka a hal hna. A tlerhkhawnh hna i, ngun khuai a khawlh hna, cheukhat cu an cycle zong a chuh hna, tiah tualchung mi hna nih an chim. Ngio Win Naing a thih cu kan i lawm cio. Kan tha a dam tuk. Anih hi misual tuk a si. Mino deuh cu an inn ah a luhhnawh hna i a tukvelh hna tiah tualchung mi pakhat nih a chim.

Cu bantukin Tanintharyi ramṭhen, Myeik khua, Aungchanthar sang um Pyusawhti chungtel inn zaa-uk Aung Than cu, August 17 zanlei sml 5:00 hrawng ah Myeik khua dawr ngan pakhat pawng ah kan kah thah, tiah PDF nih an langhter. Aung Than cu Myeik pengkomh Battalion 2 le Pa Kah Pha i bawm in an kah thah. Pyusawhti chungtel Aung Than an kah thah dih in SAC ralkap nih khuachung ah check hlatnak an tuah, tiah theih a si.

Bago ramṭhen thlanglei Pyi pengkomh Kinekwin khuami Kyaw Kyaw Lwin le Letpankhun khuami Kyaw Kyaw Oo cu PDF cawlcanghnak vial te SAC ralkap sin ah a phuangtu an si caah kan thah hna, tiah PDF nih cathanh an chuah. Tamu Peng Ah Meithat Zung Rianṭuan Non CDM Pakhat Ngeihmi Diesel Cu Hriamtlai Phu Nih An Fir Piak.

Tamu khua chaklei ah a kalmi bus motor pakhat chung ah a ummi, diesel tank pathum cu August 17 ah Kuntaung khua pawng ah hriamtlai phu pakhat nih an fir tiah theih a si. Diesel tank pathum cu Minthar khua meithat zung in Non-CDM Kyaw Hein ta a si i, zei bantuk hriamtlai phu nih an laak ti cu hngalh a si lo. Tamu pengkomh chaklei ah SAC ralkap lawng siloin Pyusawhti, Shan tapung le Kate tapung an cawlcangh ngainak hmun a si, tiah theih a si.

Leave a Reply