Lawmpi cio hna usihlaw! Kan Lainu Helly Zathang le Mizo hlasakthiam Hmingtea he an sak mi Hmangaihtu Dik timi hla cu 1 miilion views an neih caah laksawng an hmuh. Kan Lainu Helly Zathang hi zahan nai te i Chaklei Kawl Ral AHrang timi hla thar asatu kha asi. A tang bak ah Helly Zathang le Hming tea nih Hmangaihtu Dik timi hla an saknak video a um lai.

Thawngdang Malaysia Kal Aa Timmi Rohingya 59 Cu Thai Palik Nih An Tlaih Hna! Malaysia ah kal aa timmi Rohingya mi 59 hna cu an mah hruaitu agent nih Thai ramchung, Island of Koh Dong ah a kaltak hna ca ah tilawng chung an um lio ah tlaih an si tiin Thai Palik lutlai nih an thanh. Tlaih a tong mi hna lakah ngakchia 5 an i tel tiah Chief of Police Surachak Heppan nih a chim i, tlaih mi hna cu ni 3-5 karlak chung rawl loin an um cang caah minung zawnruahnak in bawmhnak kan pek hna tiah Chief of Police nih a chim.

https://www.youtube.com/watch?v=ipPf-8xbBJQ

Cun, khoika in nan rak luh timi kan hal hna lai i, biaceihnak zung nih biahalnak le dothlatnak a tuah lai. A thlithup in ramchung ah a lutmi an si caah thong thlak zong an tong kho, asiloah Myanmar ah kuat ṭhan zong an si kho, tiah a chim fawn. Tilawng ah aa citmi nih an chim ning ah, Myanmar le Bangladesh in minung 172 cu tilawng 3 in an kal tiah theih a si. Agent sin ah minung pakhat Malaysia Ringgit 5000 cio an pek tiah theih asi.

Cu tilawng 3 chungin minung 119 phortu tilawng 2, a hmasa kalmi cu Malaysia nawlngeitu hna nih an tlaih khawh cang tiah Thai Palik nih cathanh an chuah. Cu bantuk in tlaih an ton ruangah a hnubik ah akalmi tilawng zong anmah hruaitu hna nih Malaysia nan phan cang tiah an hlen hna i Thai ramchung um Island of Koh Dong ahcun an kaltak hna tiah an chim.