Breaking News: Kan Laimi Cu Ningzak Kan Si Tuk Cang USA Ah Chin mi Kumtling Lo nih A Upa Thi Lak Meithal in a kah. Unau pahnih karah sikhuatnak a um caah i thahnawnnak a chuak tiah palek nih an chim. USA ram Columbus Division Police chim ningah cun cacawn nithum zan sml 1:30pm tlukah a upa cu Jolliff street ah a auh hnuah meithal in a kah tiah an chim. A thimi Joseph Lian kum 17 cu meithal hma he palek nih an va hmuh.

Palek nih kherhlainak an tuah hnuah Joseph Lian i anaupa John Van Ram Cung nih meithal in arak kah hi si. Joseph Lian cu ahmunah thi colh loin ahliam thlop dingah Ohio State University Wexner Medical Center ah an kalpi nain sml 1am ah anunnak liam tiah Columbus police nihcun an chim. CLEVELAND, Ohio (WOIO)An hmaanthlak an tar chih lo.

Thawngdang kawlram chaklei hawikom hriamtlaibu 3 a si mi AA, MNDAA le TNLA hna nih covid le kahdohnak ruangah Kawlram mipi harsatnak ruah in ralkap cawlcanghnak vialte ngol cio dingin nihin September 4 ah cathanh an chuah. Cathanh nih a langhter ningah ralhrangbu nih February 1 ah rampi uknak a lak hnu dai tein duhlonak a langhter mi hna cu ralhrangbu nih an thah hna, an tlaih hna ruangah ramchung hmunkip meithal a puah.Kahdohnak zong a zual.

Kawlram chung covid-19 zawtnak ruangah mipi nunnak tampi a liam, eidin, chawlehnak zong harsatnak tampi an ton pin ah ramchung hmunkip ah kahdohnak ruangah mipi nih harsatnak fak piin an in. Ralhrangbu nih thazaang tampi an i chap, hriamngan in khua an kah, mipi an tlaih hna, an thah hna ruangah kahdohnak a karh chin lengmang mi a si.

Cucaah, covid-19 runvennak kongah pawngkam ram le vawleicung covid runvennak phu hna he tuanti ding le mipi nih atu nakin harsatnak an ton ti lo nak ding caah rianngeitu vialte nih lam kawl cio ding le mipi harsatnak a pe khomi ralkap cawlcanghnak vialte hrial le dinter dingin pehtlaihnak a ngei mi bu vialte hna sin ah kan in forhfial hna tiah cathanh an chuah.