Breaking News: Kahdohnak Thawnter Chin Ding in Yaw Phufonh i Commando Pawl Cawnṭinak An Ngei-(+VIDEO)

Myanmar News

Breaking News: Kahdohnak Thawnter Chin Ding in Yaw Phufonh i Commando Pawl Cawnṭinak An Ngei-(+VIDEO). Kahdohnak ṭhawnter chin ding in Yaw phufonh i Commando pawl cawnṭinak an ngei (Muicawl) Yaw hmunhma ah lungrual tein kahdohnak ṭhawnter chin ding in Yaw Regional PDF’s Alliance Commando phu pawl cawnṭinak thlakhat chung an tuah. Commando phu pawl cawnṭinak cu June 5 in July 5 tiah tuah a si tiah YRPA nih a thanh.

YRPA chungtel PDF nih SAC ralkap pawl an dohṭinak Magway ramṭhen Saw peng, Gangaw peng, Chin ramkulh Kanpetlet peng telh in Mag way-Chin ramri pawl ah SAC ralkap doh an si. YRPA ah Laungshay PDF, Kyaukhtoo PDF, Htilin PDF, Yaw PDF, Gangaw PDF le Saw PDF hna an i tel tiah theih asi.

https://www.facebook.com/THECHINLANDPOST/videos/365016462407783

Thawngdang Thantlang ah Chemical Weapon (Sii thalo hriamnam) hman i CNA-CDF vialte Thantlang in dawi dih dingin cunglei nih nawl an chuah cang tiah theih a si.Nizan nai te ah Ralhrang minung 30 a hun chiahchap hna.Tu ah Thantlang upa cheukhat auh in Thantlang sersiam tthannak kong an ceih pi hna. Ruah awk a um ngaimi cu Thantlang sersiam tthannak an hna a tlak lo ahcun Thantlang khuachung ummi kan ralkap vialte um kho loin dawi i anmah nih lak dih lawlaw itimhtuahnak an ngei lai ti ruah khawh asi.

Cun nihin Media pakhat ah Zaw Mee Lung nih tulio ahhin SAC Ralhrang nak in PDF pawl hi mizapi nih an ttih deuh hna tiah a chim. Tutan uknak an lak Ning le an i sersiam dan zoh tikah mizapi lungtluanh i an hram fehter kha an itim timi a fiangtuk. Cucaah tutan Thantlang kan sersiam lai an ti nak hi a si ko. An sersiam lai i an chim lai mi cu CDF le CNA ralhrang nih Thantlang an khanghmi kanmah SAC nih kan sersiam, Thantlang mizapi kan in dawt hna nan zawn kan ruah ti kha a si ko lai.Thantlang cu kan Pu Miraltha Lal Luai khua a si. Kan pi le kan pu nih an thlanti he an rak tlak le sermi khua a si. Ralhrang nih an hrawh dih an khangh dih.

Anmah nih sakpiak le serpiak kan hau lo i a duh zong kan duh lo. Kanmah kut bak in kan sersiam than lai. Inn le lo ti le mei menmen ruah ah kan nunnak pek in hriam kan tlai lo. Kanmah tein saknak nawl kan khua le kan ram i sersiamnak nawl kan Miphun kongah a ho tuahpiak hmanh hau loin kanmah tein itawlrel khawhnak nawl khi kan khelmi cu a si. Cucu Chin Miphun vialte nih kan ifian a hau. Ti le mei, innlo le lamsul tuktak in an kan lem i kan izumh hoi ahcun vawlei caan dongh tiang Kawl ralhrang sal ah kan taang cang lai. Anmah Kawl hmanh dahkaw an lung a fim i Nunnak pek in an dohmi hna an si hih. (Kei cu Min Aung Hlaing le a minung pawl he cabuai pakhat ah thut in bia i ruah hrimhrim khi ka Ning a zak tuk. Khi nak in thih kaa thim deuh lai)

Leave a Reply