Breaking News: K. Vanlalduati kum 52 Cu Nam Bakin An Sawh Chih

Myanmar News

Breaking News: Maw Ka Thin K. Vanlalduati kum 52 Cu Nam Bakin An Sawh Chih. September 6 zaan suimilam 7 hrawngah Lunglei khuapi i Lunglei Lawngtlai, Siaha Sumo Counter Duati Counter ngeitu K. Vanlalduati kum 52 K. Biakchungnunga fanu, Lunglei Chanmari veng cu a ho ti hngalh lo mi nih counter a hngah lio ah luhhnawh in nam in a sawh a hliam tuar celh lo in Duati hi a nunnak a liam tiah thawng theih a si. Thawng kan theih ningah Duati hi hmun 3 hrawngah naam in sawh a si i a sawh tu hi atu tiang aho a si ti theih a si rih lo i hi kong he pehtlai in palek lei nih hlathlainak an tuah cuahmah lio a si. Duati ruak hi Civil Hospital lei ah chiah a si i nihin chun suimilam 12 ah an inn Chanmari ah vui a si lai tiah Mizo Special Report nih a tial.

 

Thawngdang Kawlram chungah a luancia August thlachung ah puahkehnak a chuak mi dihlak hi voi 134 tiang a cang, cu puahkehnak chung ahcun nunnak liam mi dihlak hi minung 22 an si. BBC nih checkhlatnak an tuah mi chung le cazin an tuah mi ah nunnak a liammi hna tam deuh cu ralhrang phu chungtel an si, cun khuachung mipi lei zong in an si i cozah riantuan pakhat le ralhrang sin thawngpe tu tiah ruahmi pakhat zong a tel.

Puahkehnak a chuahnak hmun tamdeuh cu palik riahbuk le ralhrang nih mi checkhlat an tuahnak gate hna an si, cun ralhrang phu hna he pehtlai mi zung, sipin zung le sanguk tu zung hna an si. Kawlram chung puahkeh a chuahnak hmun chungah Yangon khuachung in voi 50 leng tiang puahkehnak tambik a chuahnak hmun a si. Cun a pahnih nak ah Magway ramthen hi a si.Cun puahkehnak tambik a chuahnak ramthen cu Sagaing ramthen le Mandalay ramthen hna an si.

Cun a luancia thla chungah ramchung nam in thah/nawn nak le meithal kahnak in nunnak liammi dihlak hi minung 120 hrawng an si. Cu chungah cun ralhrang phu chungtel hna le khuachung upa hna le USDP party chungtel hna ralhrang sin ah thawngzamh tiah ruahmi hna le khuachung mi hna an i tel.

Leave a Reply