Breaking News: Hriamtlaih Dothlennak Hi SAC Nih Ahrawk Kho Lai Lo Tiah US Ambassador nih Achim

Myanmar News

Hriamtlaih dothlennak hi SAC nih a hrawk kho lai lo tiah US Ambassador nih a chim. SAC phu nih hriamtlaih in dothlennak a tuahtu phu pawl a hrawk kho bal hna lai lo, Democracy lam cungah a kal ṭhan awk asi tiah U.S Ambassador pakhat nih achimnak kong June 13 Reuters ah an langhter. SAC phu hi sunghnak nganpi atong a ngeihmi hmunhma pawl zong a sung dih ṭha tein kan ruah asi ahcun a dohtu phu pawl hi a tei kho hna lai lo tiah U.S State Department ruahnak cheutu Derek Chollet nih Thai ram Bangkok khua thawnglatu pawl sin ah June 11 ah a chim tiah Reuters ah langhter asi.

Hriamtlaih dothlennak hi SAC nih a hrawk kho lai lo tiah US Ambassador nih a chim

SAC cu ramdang lawng si loin ramchung zongah pheu a tong i, a lileng kahdohnak dihter in Democracy lam cungah a kal ṭhan ding a si cang tiah Derek Chollet nih achim. Myanmar ram buainak tawlrel khawhnak ding caah China hi a biapi mi ah a tel ve tiah U.S Ambassador Derek Chollet nih a chim.

US Ambassador to UN to visit Taiwan, China threatens 'heavy price' - The Economic Times

Thawngdang Wawlay Palik Camp Kahdohnak Ah KNDO Nih Palik 2 An Thah Hna Sakhan Hmu Le Palik 2 A Nung In An Tlaih Hna Pin Ah Hriamthil Cheukhat An Chuh Hna. Wawlay Palik Camp Kahdohnak Ah KNDO Nih Palik 2 An Thah Hna Sakhan Hmu Le Palik 2 A Nung In An Tlaih Hna Pin Ah Hriamthil Cheukhat An Chuh Hna. Karen ramkulh, Myawaddy peng Wawlay Myiang peng ṭhen um palik camp cu KNDO le ṭangṭi phu hna nih nihin June 13 zinglei ah an kah caah, palik 2 an thi. Sakhan hmu le palik 2 hna cu a nung in an tlaih hna tiah theih asi.

Wawlay Myiang palik camp cu zinglei sml 4:29 ah an kah. Palik 2 an thi i, 2 hliamhma an pu. Cu camp ah SAC ralkap an um lo nain camp he aa naihnak ah umhmun an khuar. Sakhan hmu le palik 2 cu a nung in an tlaih hna. SAC ralkap nih an umnak hmun in hriamngan in an kah caah palik cu an zaam dih tiah Wawlay hmun um thawng pakhat nih alanghter.

Palik camp cu Wawlay khua leng ah a ummi asi i, SAC ralkap umhmun an khuarnak he aa naihnak ah a um. Camp cu kan laak khawh. SAC ralkap nih hriamngan in an kah caah, hnu kan kir tiah KNDO sin in theih asi. Wawlay palik camp kahdoh nak ah Bo Sa Lung nih a hruai hna i, KNDO thiamhlei Battalion le PDF ṭangṭi phu hna nih an kah hna tiah theih asi.

Leave a Reply