Nihin Halkha ah Thantlang Krihfabu hruaitu khua upa hna le ralhrang bawi rual Thantlang tunmer le huncho ternak kongah meeting an tthu tti hna Thantlang Krihfabu hruaitu/Tukhal le khua upa hna hi sualphawt colh awk an ttha hrim ve lo. Sualphawt colh awk an tthat lonak a ruang cu hun tuak cio tuah ulaw aphi tlawmpal nan hmuh ko lai.

Nihin meeting an tuah ruangah ralhrang sinah an i pe(surrender) tinak cu silo Thantlang khua nupa duhnak 10% hmanh kan tlinh piak kho ve hna lo hlah maw tihi hun ruah awk a um ve. Lungrawh le thader nakah hman lo ding asi lai khua a ceu lai ah faakpi in khua amui khun.A tlamtling deng cang ti,hmelchunhnak tu sihraam seh.

Thawngdang rel Mandalay Ramṭhen Ah SAC Ralkap Sin Thawngpetu Le Khuabawi Thah An Tong! Mandalay MaharAungMay peng Aung ChainAye sang no. 36/71-72 lam pawng zu dawr ah ummi SAC ralkap sin thawngpetu Se Gale cu June 28, zaan suimilam 8:35 ah aho si theih lo mi nih nam in an sawh caah a thi tiah tualchung mi nih an chim.

Cun nihin June 29, ah Mandalay ramṭhen Ṭaungta peng Ṭada khua ah SAC ralkap rian a cohlangtu khuabawi Pyu Maung Naing nih khua chung ah meithal puah in khuami cu a tlerhkhonh lengmang hna caah Mayelatt- PDF MGN District, Seven People Defense Force, TTA- pah-kah-phah( Ṭaungta), Natogyi Regional Defence Force, 27 Revolution Forces phu nih an kah i kah a tonnak ah a thi colh. Khuabawipa sin cun meithal pakhat le kutcheh bomb lungkhat zong an laak tiah theih asi.

Thawngdang Kan hawi kom CNO hna zong mipi lung a tling tilo an ti hoi. A min in Tender rian tuan an phih le an mah CNO upa te hna nih Tender an ngah viar ti si. Falam peng khua chung mi mawhnak ngei lo minung 3, 4 hna an tlaih cang fawn rih. Kan unau Falam mipi an lung a tling ti lo an ti hoi. Ram leng bomh nak kan herh lo ram chung ah tender rian atuan tu le non CDM sin in phai sa kan hmuh, ram leng kan herh ti lo an ti cang ko. Falam khua pi chung zong ah kah doh nak an tuah tum ti asi cang.

Thawngdang Mindat peng ah kahdohnak a chuak Chin ramkulh Mindat peng June 29 (tuni) zinglei sml 9:00am thok in SAC ralkap le CDF Mindat karlak ah kahdohnak a chuak tiah theih asi. Magway ramṭhen Htilin peng lei in Mindat ah a rak kaimi SAC ralkap le Palauktwe lei a hngakmi CDF-Mindat karlak ah kahdohnak a chuak i SAC ralkap nih Madat khuate lei ah hriamngan kah thlorh in a kah tiah CDF-Mindat nih athanh.

Thawngdang Nizaan ta Lunglawm Ngai Asi Kalay Lei Arak Kirmi SAC Mawṭaw Bom Puah Hnawh Atong Tam Ngai An Thah Hna. Tamu in Kalay lei a rak kirmi SAC mawṭaw bom puah hnawh a tong 30 hrawng an thi Tamu peng ah SAC ralkap mawṭaw bom puah hnawh a tong i SAC ralkap 30 hrawng an thi tiah PDF-Tamu battalion 3 rianngeitu nih People’s Spring ah a chim. Tamu in Kalay lei ah a kirmi SAC ralkap 100 hrawng aa telmi mawṭaw cu June 27 zinglei ah bom puah hnawh asi.

SAC mawṭaw thluan cu Yanlin le Witot khua karlak ah bom puah hnawh a ton hi a si i SAC ralkap mawṭaw a tlawmbik 3 a rawk tiah khuami hna nih People’s Spring ah an chim. Bom puah hnawh a tongmi SAC ralkap mawṭaw thluan cu Yanlinphai pawng Witot khua telh in a pawng kam khua hna ah hriamngan/hme in kah thlorh a kah tiah Tamu battalion 3 sin in theih a si. SAC ralkap pawl an buai caah Yanlinphai khua mi hna zong an zaam tiah theih asi.

https://www.facebook.com/THECHINLANDPOST/videos/2911809199116251

June 23 zong ah SAC ralkap mawṭaw pawl cu Yanlinphai le Khunmonnun khua pawngah Tamu PDF battalion 3 nih bom an rak puah hnawh hna. Mah mawṭaw pawl nih mipi mawṭaw pawl hramhram in an tlaih hna i mawṭaw 20 hrawng he an kal lio ah bom puah hnawh a si i maw ṭaw 2 a rawk tiah Tamu PDF battalion 2 nih a thanh. Cucaah SAC ralkap mawṭaw hi a kal lei he a kir lei he bom puah hnawh a tong. Tamu PDF hruaimi mipi hriamtlai phufonh nih Tamu peng, Pantha khua ah hmunhma a khuarmi SAC ralkap le pyusawhtee pawl cu June 22 ah an kah hna i SAC ralkap le pyusawhtee 25 an thi tiah Tamu PDF battalion 3 nih a thanh. Muicawl – Tamu PDF