Breaking News: Hakha Thawngpang Cu Achia Taktak Mipi Vialte Ralrin Pek Nan Si Dih Cang

Chin News

Breaking News: Hakha Thawngpang Cu Achia Taktak Mipi Vialte Ralrin Pek Nan Si Dih Cang. SAC ralkap pawl Falam in Hakha khuachung ah motor 50 hrawng le raldohnak motor 2 he nihin October 20, 3:20 PM hrawng ah an lut. Hi hna pawl hi zahan October 19, Ramthlo khua Biakinn ah a riak mi an si i atu thawng kan tial lio (3:20 hrawng) hi Hakhathar 6 Lamton nak hrawng an phan tiah kan theih. Nihin October 20 hi Hakha khuachung le kiangkap ah bomb puah thawng pehtlai in a thang. Mah ruangah hin i ralrin hna usih!

Thawngdang Khah CDM Atuah Mi Hna CNDF Nih Ralrin An Pek Hna Zulh Cio Ding. Falam khua ah CDM a tuah mi hna rian hmun a sok mi le CDM a tuah lo mi hna cu dalaan he dirhmun khat ah ruah nan si lai i nan nunnak le ngeihchiah himnak ah tuanvo kan la lo tiah CNDF nih ralrin an pek hna. Mah thawngpang hi upate thar mi asi.

No photo description available.

Thawngdang Tunak fak deuhin khua kan ruah a hau hih! Kan ram cu hi dirhmun kan phan cang tikha tampi chimhau loin nan theih dihmi si ko. Abikin Chinram kong kan hun tial lai. Chinram ah kahdohnak fak a um bal lo tikah mitampi nihcun CNA/F kan mawhchiat peng hna ral do ngam lo cu e kha e tiah rak phunhsaih cio an ti. Chin ralkap CNA/CDF nih an hun tukdoh cang tikah Chinram cu chunlai ah Ni tla hnik dingin a hun um. Chinmi ralzaam,Mizoram le ram innpa pinah IDP camps hna ah 30% kan zaam lio si.

Chinram ah 30% tiang ralzaam dirhmun kan phak hi tukum hi avoikhatnak si lai. Chin ram mizapi in ralzaam dih kan si kho lai lo zaam duh lo zaam kho lo tibantuk kan um te lai tikah abik in mangttam nih akan den te chih lai. Raltuknak ramah riantuan khawh silo chaw kawl khawh silo pinah Kalaymyo le Gangaw lei in eidin ralhrang nih an kan phih te rih lai. Mah vialte cu zeitin dah kan kham khawh ning si lai duhthim awk dang kan ngeih ti lo caah ralhrang kha thazaang dihlak in doh lawlaw i Chinram kha kan pen uk hau.

Chinram pen/uk nak dingah tiah a bikin ramleng nih tangka heh tiah thawh a si i $ 10 million tluk si lai tiah chim cio si. Mah $ 10 million hi AK 47 meithal zun 2500 lawng acawk khawh, bomb le zenkuan aa tel rih lo; Ral le kan thawhka lawng sirih,mipi kan thadih caan a um te lai caah mizapi kan thadih hlanah Ramchung ramleng Krihfabu vialte he tangka thawh zok i kan tangka hlumter/fonh ter i kan raltuk zok haumi dirhmun ah kan dir.

Krihfabu kip nih cheuhra ah cheu li (4/10) pek sian dih hau. Chinmi cu abikin Krihfabu ah kan thazaang hi 90% aa funnak si caah Krihfabu kip nih thazaang an rak chuah cia mi pinah ahlei in hun chuah rih a hau ko. Tutan kan raltuknak ah hin CNA/F le CDFs lawng lairel tu siloin Chin mipi aiawh in palai ser ve i CNA/F le CDF he tiah hriamnam kong ralkap eidin le thildang ah tuanti le khuakhan ti biapi tuk.

A ruang cu CNA/F le CDFs hna ral kong an ruah tikah thildang ah an duh zat ningin caan an pek khawh lo a um ve lai cucaah Chin mipi ai awh palai nih tikhawhnak cio le ttuan khawhmi an ngeihmi pahrang kha hmannak lam ser piak ve hau. Tulio cawlcanghnak le aliamcia caan zongah Krihfabu le peng,khua tibantuk nih rak dirkamhmi asi ko,tuhnu pinlei kan caan zoh tikah ahlei in hun i hnek rih le dirpi chin ahau ko tikha catial tu ka tinhmi cu si.

Leave a Reply