Breaking News: Hakha-Thantlang kar Kahdohnak ah SAC Ralhrang Mithi/Hliampu an Tam. Hakha-Thantlang kar Kahdohnak ah ah hin kawl Ralhrang Mithi/Hliampu an Tam. Hakha-Thantlang kar Kahdohnak ah SAC Ralhrang Mithi Hliam pu an Tam. Nizaan (September 6) zaanlei sml. 5:00 le sml. 6:00 karlak ah Hakha le Thantlang karlak ah CDF le SAC ralhrang karlak kahdohnak a chuak i SAC ralhrang lei hliampu/mithi an tam, tiah thawng kan theih.

Hakha le Thantlang karlak ramlak ah SAC ralhrang pawl riahbuk an sual lio ah CDF nih an kah hna i ralhrang 15 cung hliampu le mithi an um lai tiah an zumh.CDF lei in hliampu/mithi an um lo. Nizaan kahdohnak kong he pehtlai in CDF nih thawngthanhnak an tuahmi a um rih lo. Mah konglam hi cu athar bak asi i tuni ah the chin journal nih alanghter mi asi.

Thawngdang Hledkone  peng ummi eidin tirawl a harsa mi Chin le Myo ralzaam chungkhar hna caah facang le eidin tirawl an hlut Rakhine ah a cang mi kahdohnak ruang ah Chin le Myo chungkhar 200 leng cu Yangon ramthen Hleb Kone (လွည္းကူး)peng ah a luancia ni 2 ah khan an umnak hmun kal tak in a zaam mi chungkhar hna cu tulio ram buai le Covid -19 a karhtuk ruang ah rian ngei lo, bawmtu ngei lo in an um caah an har tuk thiah theih a si.

Mah caah cun kanmah Rakhine ram chung um Chin Sianghleirun siangngakchia phu CUSR nih mah chungkhar hna bawmh khawhnak ding ah kan i timtuah i August 28 thok in bawmtu kan kawl i an hlut mi zapi (1093000) kan hmuh i chungkhar khat ah Facang Pi2 le chungkhar minung tam deuh caah Facang Pi 3 le eidin dangdang hna bawmhnak kan pek khawh hna.

Kanmah CUSR nih an hlut mi phaisa cu tha tein kan then hna i pia khat te hmanh bau ter lo in a hmu tu ding hna sinah ralzaam hna sinah le rianrang in bawmh a herh mi hna sin in va pek khawh ding in kan i zuam i,i zumhnak a um khawh nak ding caah thawng kan thanh peng ko tiah an chim. Bawmhnak hna cu tluk tein tuah dih in ralzaam hna sin ah a phak khawh nak in a kan bawm tu MUSA in kan unau hna le zumhnak he bawmhnak ah a tel mi bawmnak petu hna cung ah Rakhine ram ah a ummi Chin Sianghleirun phu CUSR nih kan i lawm tuk tiah an chim.